نئی دہلی، 02 جنوری (ہ س)۔ بھوپال میں مدھیہ پردیش اسٹیٹ شوٹنگ اکیڈمی میں منعقدہ 68 ویں قومی شوٹنگ چیمپئن شپ (رائفل) کے 10 میٹر ایئر رائفل خواتین کے فائنل میں ہریانہ کی امیرہ ارشد نے دباؤ میں صبر کا مظاہرہ کرتے ہوئے ڈرامائی انداز میں سونے کا تمغہ اپنے نام کر لیا۔ انہوں نے ریلوے کی راج شری انل کمار سنچیتی کو محض 0.1 پوائنٹس کے بے حد قریبی فرق سے شکست دی۔ دن کے بعد، سیشن میں نئی دلی کے ڈاکٹر کرنی سنگھ شوٹنگ رینج میں اتر پردیش کے زہیر خان نے 68ویں این ایس سی سی (شاٹ گن) کے مردوں کے ٹریپ مقابلے میں 43 ہٹ کے اسکور کے ساتھ سونے کا تمغہ جیتا۔

خواتین کے فائنل میں، امیرہ نے 251.9 کے اسکور کے ساتھ سرفہرست مقام حاصل کیا، جبکہ سنچیتی نے 251.8 کے ساتھ چاندی کا تمغہ حاصل کیا۔ چھتیس گڑھ کی پرانجو شری سومانی نے 230.5 کے اسکور کے ساتھ کانسے کا تمغہ جیتا۔ تلوتما سین 208.9 کے ساتھ چوتھے، اس کے بعد کاجل کماری (187.9) اور ساکشی سنیل پڈیکر (166.2) کی پوزیشن رہی ۔ ہریانہ کی رمیتا 145.1 کے ساتھ ساتویں نمبر پر رہیں، جب کہ پریرنا پدماکر مور، جو 632.5 کے ساتھ کوالیفکیشن میں سب سے اوپر تھیں، 122.7 کے ساتھ آٹھویں نمبر پر رہیں۔

کوالیفکیشن میں، پریرنا پدماکر مورے اور پرانجو شری سومانی 632.5 کے یکساں اسکور کے ساتھ سرفہرست رہیں، جبکہ ساکشی سنیل پڈیکر 632.1 کے ساتھ ان کے قریب رہیں۔ امیرہ 631.5 کے ساتھ چوتھے، کاجل کماری (631.0)، تلوتما سین (630.8)، رمیتا (630.8) اور سنچیتی (630.7) کے بعد چوتھے نمبر پر رہیں۔

زہیر خان نے نئی دہلی میں مردوں کے ٹریپ میں سونے کا تمغہ جیتا

نئی دہلی میں شاٹ گن رینج پر جونیئر مینز ٹریپ کانسے کا تمغہ جیتنے والے زہیر خان نے 3 4ہٹ کے ساتھ مردوں کے ٹریپ فائنل میں سرفہرست رہ کر اپنا پہلا سینئر قومی اعزاز حاصل کیا۔ اتراکھنڈ کے شپتھ بھاردواج نے 40 ہٹ کے ساتھ چاندی کا تمغہ جیتا جبکہ اولمپیئن کینان چنائی نے 33 ہٹ کے ساتھ کانسے کا تمغہ حاصل کیا۔ احور رضوی 26 ہٹ کے ساتھ چوتھے نمبر پر رہے، اس کے بعد ویوان کپور (22) اور ادے ویر سنگھ جاجے (19) رہے۔

کوالیفکیشن میں، ویوان کپور 121 کے اسکور کے ساتھ سرفہرست رہے، جبکہ زہیر 120+3کے ساتھ دوسرے نمبر پر رہے۔ احور رضوی نے بھی 120 اسکورکئے لیکن شوٹ آف (+2) میں ہار کر تیسرے نمبر پر رہے۔ شپتھ بھاردواج 119+3 کے ساتھ چوتھے، کینان چنائی نے 119+2 کے ساتھ پانچویں نمبر پر، جبکہ ادے ویر سنگھ جاجے نے 118+6ے ساتھ فائنل میں جگہ بنائی۔ محمد اسد سلطان 118+3ے اسکور کے باوجود شوٹ آف میں ہارنے کے بعد فائنل میں جگہ بنانے سے محروم رہے۔

مردوں کے ٹریپ ٹیم ایونٹ میں، اتر پردیش نے احور رضوی، محمد اسد سلطان (118) اور ریان رضوی (107) کی مشترکہ کوششوں سے 345 کے مجموعی اسکور کے ساتھسونے کا تمغہ جیتا۔پنجاب نے 342 کے اسکور کے ساتھ چاندی جبکہ اتراکھنڈ بھی 342 کے اسکور کے ساتھ کانسے کے تمغے پر رہا۔

جونیئر اور یوتھ ویمن: تلوتما سین کا گولڈن ڈبل

۔10 میٹر ایئر رائفل جونیئر خواتین کے فائنل میں کرناٹک کی تلوتما سین نے کوالیفکیشن سے لے کر اپنی مضبوط کارکردگی کو جاری رکھتے ہوئے 253.1 کے شاندار اسکور کے ساتھ سونے تمغہ جیتا۔ مہاراشٹر کی سمیکشا سبھاش پاٹل نے 250.0 کے ساتھ چاندی کا تمغہ حاصل کیا، جبکہ ہریانہ کی رمیتا نے 230.0 کے اسکور کے ساتھ کانسے کا تمغہ حاصل کیا۔ امیرہ ارشد 208.2 کے ساتھ چوتھے، پرانجو شری سومانی (187.7)، تنیشکا کماری پلئی (164.3)، کاجل کماری (144.8) اور کوپل دوبے (123.1) تیسرے نمبر پر رہیں۔

تلوتما نے یوتھ ویمنز 10 میٹر ایئر رائفل فائنل میں 251.6 کے اسکور کے ساتھ اپنا دوسراسونے کا تمغہ جیت کر دن کو یادگار بنا دیا۔ امیرہ ارشد نے ایک بار پھر متاثر کرتے ہوئے 251.4 کے اسکور کے ساتھ چاندی کا تمغہ حاصل کیا، جب کہ مہاراشٹر کی اونتیکا راجندر شیلکے نے 229.4 کے اسکور کے ساتھ کانسے کا تمغہ جیتا۔ پرانجو شری سومانی 207.5 کے اسکور کے ساتھ چوتھے نمبر پر رہیں۔

10 میٹر ایئر رائفل ٹیم ایونٹس میں ہریانہ نے خواتین کے ٹیم مقابلے میں 1892.7 کے کل اسکور کے ساتھ سونے تمغہ جیتا تھا۔ ریلوے (1886.0) نے چاندی اور مدھیہ پردیش (1884.3) نے کانسے کا تمغہ جیتا۔ ہریانہ بھی اسی اسکور کے ساتھ جونیئر خواتین ٹیم ایونٹ میں سرفہرست رہی، اس کے بعد کرناٹک (1887.1) اور گجرات (1876.9) رہی ۔ یوتھ ویمنز ٹیم ایونٹ میں کرناٹک نے 1887.1 کے ساتھ سونا، ہریانہ (1885.9) نے چاندی اور مدھیہ پردیش (1881.7) نے کانسے کا تمغہ جیتا ہے۔

ہندوستھان سماچار

ہندوستان سماچار / محمد شہزاد