نئی دہلی، 2 جنوری (ہ س)۔ انٹرڈپارٹمنٹل کمیٹی (آئی ڈی سی) نے جمعہ کو نئی دہلی میں میٹنگ کی تاکہ ہندوستان میں غیر ملکی بینکوں کی شاخیں، نمائندہ دفاتر یا ذیلی کمپنیاں کھولنے کے لیے ریزرو بینک آف انڈیا (آربی آئی) کی طرف سے موصول ہونے والی تجاویز پر تبادلہ خیال کیا جا سکے۔ میٹنگ کی صدارت ایم ناگاراجو، سکریٹری، محکمہ مالیاتی خدمات نے کی۔وزارت خزانہ کے مطابق، میٹنگ میں وزارت داخلہ، وزارت خارجہ، محکمہ تجارت اور ریزرو بینک آف انڈیا کے ممبر وزارتوں اور محکموں نے شرکت کی۔ مناسب غور و خوض کے بعد کمیٹی نے اپنے سامنے پیش کی گئی تجاویز کی سفارش کی۔آئی ڈی سی ایک کمیٹی ہے، جس میں محکمہ مالیاتی خدمات (ڈی ایف سی) بطور نوڈل ڈیپارٹمنٹ ہے، جو غیر ملکی اور ملکی بینکوں سے موصول ہونے والی تجاویز کا جائزہ لیتی ہے۔ کسی اتفاق رائے تک پہنچنے سے پہلے، کمیٹی رکن وزارتوں اور محکموں جیسے وزارت داخلہ، وزارت خارجہ، اور محکمہ خزانہ سے، سلامتی، سیاسی، اور اقتصادی امور سے متعلق ان کے خیالات جاننے کے لیے مشاورت کرتی ہے۔ہندوستھان سماچار

ہندوستان سماچار / Mohammad Khan