داووس، 19 جنوری (ہ س)۔ مدھیہ پردیش کے نئے اور قابل تجدید توانائی کے وزیر راکیش شکلا اور ایڈیشنل چیف سکریٹری منو سریواستو نے سوموار کو سویٹزرلینڈ میں منعقدہ ورلڈ اکنامک فورم (ڈبلیو ای ایف)-2026 میں امرا راجہ گروپ کے شریک بانی، چیئرمین اور منیجنگ ڈائریکٹر جئے گلا کے ساتھ قابل تجدید توانائی، توانائی ذخیرہ کرنے اور بیٹری پر مبنی حل پر وسیع بات چیت کی۔

میٹنگ میں ریاست میں قابل تجدید توانائی کے انضمام اور مستقبل کی توانائی کی ضروریات کو پورا کرنے کے لیے تعاون کے امکانات پر تبادلہ خیال کیا گیا۔ بات چیت کے دوران امرا راجہ گروپ نے مدھیہ پردیش میں توانائی ذخیرہ کرنے کی پیش رفت کے بارے میں معلومات حاصل کیں۔ ایڈیشنل چیف سکریٹری منو شریواستو نے بتایا کہ شمالی مدھیہ پردیش کے مورینا علاقے میں بیٹری ذخیرہ کرنے کا ایک بڑا منصوبہ لاگو کیا جا رہا ہے، جو فی الحال شام کو دو گھنٹے اور صبح سویرے دو گھنٹے بجلی فراہم کرتا ہے۔

24 گھنٹے قابل تجدید توانائی فراہم کرنے کے لئے ریاست کی طویل مدتی حکمت عملی کا اشتراک کرتے ہوئے، ایڈیشنل چیف سکریٹری شریواستو نے کہا کہ مربوط بیٹری اسٹوریج کے حل کے ذریعہ 24 گھنٹے شمسی توانائی سے بجلی پیدا کرنے کے لئے ٹھوس اقدامات کئے جا رہے ہیں۔ انہوں نے واضح کیا کہ مستقبل کے تمام قابل تجدید توانائی کے منصوبوں کی منصوبہ بندی اسٹوریج کے اجزاء کے ساتھ کی جا رہی ہے، جس کی حمایت ریاست کی ترقی پسند قابل تجدید توانائی کی پالیسی سے حاصل ہے۔

اجلاس میں توانائی ذخیرہ کرنے والی ٹیکنالوجیز کو متنوع بنانے کی کوششوں پر بھی تبادلہ خیال کیا گیا۔ بتایا گیا کہ ریاست میں ایک پمپ اسٹوریج پالیسی تیار کی جا رہی ہے، جس کے تحت پرائیویٹ ڈویلپرز کے ساتھ بات چیت جاری ہے۔ مزید برآں، ہائبرڈ ماڈلز جیسے ہائیڈرو الیکٹرک-سولر اور تھرمل-سولر امتزاج کی صلاحیت کا جائزہ لیا جا رہا ہے، جس میں لاگت کے ڈھانچے اور تکنیکی پہلوو¿ں کا مطالعہ کیا جا رہا ہے۔

مزید ایکشن پلان

دونوں فریقوں نے پراجیکٹس سے متعلق تفصیلی ڈیٹا کا تبادلہ کرنے، مختلف ٹیکنالوجی کے اختیارات کا جائزہ لینے اور مدھیہ پردیش کے کلین انرجی روڈ میپ کے مطابق توانائی ذخیرہ کرنے اور بیٹری کے جدید حل میں باہمی تعاون کے ممکنہ مواقع تلاش کرنے پر اتفاق کیا۔

---------------

ہندوستان سماچار / عبدالسلام صدیقی