نئی دہلی، 17 جنوری (ہ س)۔ وزیر اعظم نریندر مودی مغربی بنگال کے مالدہ ٹاو¿ن ریلوے اسٹیشن سے ہاوڑہ اور کامکھیا (گوہاٹی) کے درمیان چلنے والی ملک کی پہلی وندے بھارت سلیپر ٹرین کو ہری جھنڈی دکھائیں گے۔ یہ ٹرین جدید انٹیریئر اوربہترینسہولیات کے ساتھ ساتھ طویل فاصلے کے سفر کو مزید آرام دہ بنانے والی ہوگی ۔

وزیر اعظم کے دفتر کے مطابق وزیر اعظم ہفتہ کو تقریباً 12:45 بجے مالدہ ٹاو¿ن ریلوے اسٹیشن پہنچیں گے۔ اس کے بعد وہ دوپہر 1:45 بجے مالدہ میں ایک تقریب میں 3,250 کروڑ روپے سے زیادہ کے مختلف ریل اور سڑک کے بنیادی ڈھانچے کے منصوبوں کا سنگ بنیاد رکھیں گے اور کئی پروجیکٹوں کو قوم کے نام وقف کریں گے۔

وزیر اعظم ویڈیو کانفرنس کے ذریعے چار نئی امرت بھارت ایکسپریس ٹرینوں کو بھی ہری جھنڈی دکھائیں گے۔ ان میں نیو جلپائی گوڑی-ناگرکوئل، نیو جلپائی گوڑی-تیروچیراپلی، علی پوردوار-ایس ایم وی ٹی بنگلورو، اور علی پوردوار-ممبئی (پنویل) امرت بھارت ایکسپریس شامل ہیں۔ توقع ہے کہ ان ٹرینوں کے چلنے سے طویل فاصلے کے کفایتی اور قابل اعتماد ریل رابطے کے نظام کو تقویت ملے گی۔

اس کے علاوہ، وزیر اعظم دو نئی ٹرین خدمات، رادھیکاپور-ایس ایم وی ٹی بنگلورو ایکسپریس اور بلورگھاٹ-ایس ایم وی ٹی بنگلورو ایکسپریس، جو ایل ایچ بی کوچوں سے آراستہ ہیں، کو جھنڈی دکھائیں گے۔ یہ خدمات خطے کے طلباء، نوجوانوں اور آئی ٹی پیشہ ور افراد کے لیے بنگلورو جیسے بڑے روزگار کے مراکز تک براہ راست ریل رسائی فراہم کریں گی۔

وزیر اعظم مغربی بنگال میں قومی شاہراہ 31-ڈی کے دھوپگوری-فالکاٹا سیکشن کو چار لین کرنے کے کام کا بھی سنگ بنیاد رکھیں گے۔ وہ ریاست میں چار بڑے ریلوے پروجیکٹوں کا بھی سنگ بنیاد رکھیں گے، جن میں بلورگھاٹ-ہلی نئی ریل لائن، نیو جلپائی گوڑی میں ایک جدید مال برداری کی سہولت، سلی گوڑی لوکو شیڈ کی اپ گریڈیشن اور جلپائی گوڑی ضلع میں وندے بھارت ٹرین کی بحالی کی سہولیات کو جدید بنانا شامل ہیں۔

وزیر اعظم نئے کوچ بہار-بمن ہاٹ اور نئے کوچ بہار-باکسیرھاٹ ریل سیکشنز کے برقی کاری کا کام قوم کے نام وقف کریں گے، جس سے تیز تر، صاف ستھرا اور توانائی سے موثر ریل آپریشنز کو فروغ ملے گا۔

وزیر اعظم ہفتہ کو تقریباً 6 بجے گوہاٹی کے سروسجائی اسٹیڈیم میں روایتی بوڈو ثقافتی پروگرام ”باگورمبا دوہو 2026“ میں بھی شرکت کریں گے۔ بوڈو کمیونٹی کے 10,000 سے زیادہ فنکار ریاست کے 23 اضلاع سے شرکت کے ساتھ باگورمبا رقص کا مظاہرہ کریں گے۔

ہندوستھان سماچار

ہندوستان سماچار / محمد شہزاد