چنڈی گڑھ، 15 جنوری (ہ س)۔

کاو¿نٹر انٹیلی جنس (سی آئی) امرتسر نے منشیات کی اسمگلنگ کے ماڈیول کے خلاف کارروائی میں چار اسمگلروں کو گرفتار کیا ہے اور 40 کلو گرام ہیروئن برآمد کی ہے۔

پنجاب کے ڈائریکٹر جنرل آف پولیس گورو یادو نے جمعرات کو چنڈی گڑھ میں کہا کہ نریندر سنگھ عرف ننی، سورج، جیکب مسیح، اور اجے کمار عرف روی، جو موگا کے کوٹ عیسی خان گاو¿ں کے رہنے والے ہیں، کو امرتسر-ترن تارن ہائی وے پر گرفتار کیا گیا۔ 40 کلوگرام ہیروئن برآمد کرنے کے علاوہ، پولیس ٹیموں نے منشیات کی نقل و حمل کے لیے استعمال ہونے والی کاروں کو بھی قبضے میں لے لیا: ایک ٹویوٹا کرولا آلٹیس (PB03AK1810) اور ایک BMW (UP14 CJ4646)۔

ڈی جی پی نے بتایا کہ ابتدائی تحقیقات سے معلوم ہوا ہے کہ گرفتار ملزمان نے ہیروئن کی بڑی کھیپ اپنے ہینڈلر کی ہدایت پر پنجاب کے مختلف مقامات پر سپلائی کرنے کے لیے منگوائی تھی۔ انہوں نے کہا کہ روابط اور پوری سپلائی چین قائم کرنے کے لیے مزید تحقیقات جاری ہیں۔ مقدمہ درج کر کے مزید کارروائی شروع کر دی گئی ہے۔

ہندوستھان سماچار

ہندوستان سماچار / عطاءاللہ