جموں, 15 جنوری (ہ س) بی جے پی کے ضلع صدر راکیش کول نے واضح الفاظ میں کہا ہے کہ جموں و کشمیر ملک کا تاج ہے اور اسے کوئی بھی طاقت بھارت سے جدا نہیں کر سکتی۔ انہوں نے دو ٹوک انداز میں کہا کہ جموں و کشمیر بھارت کا اٹوٹ انگ تھا، ہے اور ہمیشہ رہے گا۔راکیش کول نے یہ بات جموں میں منعقدہ ایک مقامی تقریب سے خطاب کے دوران کہی۔ انہوں نے کہا کہ مرکزی حکومت جموں و کشمیر کی ہمہ جہت ترقی کے لیے پوری طرح پرعزم ہے اور عوامی فلاح و بہبود سے جڑے منصوبوں پر تیزی کے ساتھ کام جاری ہے۔انہوں نے بتایا کہ شری رام جی سے وابستہ ایک اہم ترقیاتی منصوبے کے لیے مرکزی حکومت کی جانب سے سو فیصد فنڈنگ فراہم کی جائے گی، تاکہ منصوبہ مقررہ مدت کے اندر شفاف اور مؤثر انداز میں مکمل ہو سکے۔بی جے پی ضلع صدر کا کہنا تھا کہ وزیر اعظم نریندر مودی کی قیادت میں ملک ترقی کی نئی بلندیوں کو چھو رہا ہے اور اسی قیادت کے نتیجے میں جموں و کشمیر کو بھی ترقی کے نئے مواقع حاصل ہو رہے ہیں۔آخر میں راکیش کول نے عوام سے اپیل کی کہ وہ ترقیاتی عمل میں حکومت کا بھرپور تعاون کریں اور علاقے میں امن، بھائی چارہ اور ہم آہنگی کو برقرار رکھیں۔

ہندوستھان سماچار

---------------

ہندوستان سماچار / محمد اصغر