ہالی ووڈ کے نامور اداکار ول اسمتھ ایک بار پھر سرخیوں میں ہیں۔ اپنی زبردست اداکاری اور سپر ہٹ فلموں کے لیے مشہور ول اسمتھ نے حال ہی میں ایک انٹرویو میں بالی ووڈ میں کام کرنے کی خواہش کا اظہار کیا۔ انہوں نے انکشاف کیا کہ وہ پہلے ہی بالی ووڈ اسٹار سلمان خان اور امیتابھ بچن سے ہندی سنیما کا حصہ بننے کے بارے میں بات کر چکے ہیں۔ مزید برآں، ول نے یہ بھی انکشاف کیا کہ انہوں نے براہ راست شاہ رخ خان سے درخواست کی ہے کہ وہ انہیں فلم میں کاسٹ کریں۔اپنے نیشنل جیوگرافک شو ’پول ٹو پول ود ول اسمتھ‘ کے پریمیئر سے قبل دبئی میں ایک حالیہ انٹرویو میں ول نے انکشاف کیا کہ ان کی سلمان خان سے ملاقات ہوئی تھی اور دونوں نے کچھ خیالات پر تبادلہ خیال کیا تھا۔ انہوں نے امیتابھ بچن کے ساتھ کام کرنے کی اپنی کوششوں کا بھی ذکر کرتے ہوئے کہا کہ بگ بی نے مذاق میں انہیں ’بگ ڈبلیو‘ کہا جس کی وجہ سے دونوں کے درمیان مضبوط رشتہ قائم ہوا۔

شاہ رخ خان کے ساتھ کام کرنے کی خواہش کا اظہار کرتے ہوئے ول اسمتھ کا کہنا تھا کہ انہیں گزشتہ چند سالوں میں متعدد پیشکشیں موصول ہوئی ہیں تاہم کوئی بھی پروجیکٹ آگے نہیں بڑھا۔ اس کے بعد انہوں نے انکشاف کیا کہ انہوں نے براہ راست شاہ رخ خان سے کہا ہے کہ وہ انہیں فلم میں کاسٹ کریں۔ دلچسپ بات یہ ہے کہ ول اسمتھ اس سے قبل بھی بالی ووڈ سے وابستہ رہ چکے ہیں، وہ فلم ’اسٹوڈنٹ آف دی ایئر 2‘ کے ایک گانے میں ٹائیگر شراف کے ساتھ کیمیو میں نظر آئے تھے۔

ہندوستھان سماچار

ہندوستان سماچار / Mohammad Khan