رانچی، 05 ستمبر (ہ س)۔ رانچی میں پٹھوریا کے سوسو موڑ پر مذہبی پرچم کو اکھاڑ پھینکنے کی وجہ سے ماحول کشیدہ ہو گیا۔ جمعہ کو ایک فریق کے لوگوں نے مذہبی پرچم کو اکھاڑ کر پھینکنے کے بعد ملزمان کی گرفتاری کا مطالبہ کرتے ہوئے ٹائر جلا کر سڑک بلاک کر دی۔ اس سے سڑک پر آمد ورفت متاثر ہوئی اور حالات کشیدہ ہو گئے۔

واقعہ کی اطلاع ملتے ہی پولیس موقع پر پہنچ گئی اور لوگوں کو سمجھانے کی کوشش کی۔ پولیس حکام نے مظاہرین کو یقین دلایا کہ ملزمان کو جلد گرفتار کر لیا جائے گا اور کیس کی غیر جانبداری سے تفتیش کی جائے گی۔ پولیس کی یقین دہانی کے بعد مظاہرین نے روڈ بلاک ہٹا دیا۔

تھانہ انچارج ابھے کمار نے بتایا کہ پولیس ان سماج دشمن عناصر کی تلاش کر رہی ہے جنہوں نے اس واقعہ کو انجام دیا۔ پولیس آس پاس کے علاقے کی سی سی ٹی وی فوٹیج کی بھی چھان بین کر رہی ہے۔

ہندوستھا ن سماچار

ہندوستان سماچار / محمد شہزاد