رانچی، 5 ستمبر (ہ س)۔ جھارکھنڈ کے مختلف اضلاع میںہفتہ سے پھر سے ہلکی سے درمیانی بارش کا امکان ہے۔ یہ اطلاع محکمہ موسمیات نے جمعہ کو دی۔

محکمہ نے اس دوران گرج چمک کے ساتھ ساتھ 30 سے 40 کلو میٹر فی گھنٹہ کی رفتار سے تیز ہوائیں چلنے کا بھی امکان ظاہر کیا ہے۔ محکمہ نے اس حوالے سے ایلو الرٹ جاری کیا ہے۔

جمعہ کو رانچی اور آس پاس کے علاقوں میں صبح سے ہی بادل چھائے رہے، اس دوران ہلکی بارش بھی ریکارڈ کی گئی۔

قابل ذکر ہے کہ گزشتہ تین چار دنوں سے مسلسل بارش کی وجہ سے معمولات زندگی متاثر ہو رہے ہیں۔ گزشتہ 24 گھنٹوں کے دوران ریاست میں سب سے زیادہ درجہ حرارت گوڈا ضلع میں 35.3 ڈگری سیلسیس ریکارڈ کیا گیا، جب کہ سب سے کم درجہ حرارت لاتیہار میں 20.3 ڈگری سیلسیس ریکارڈ کیا گیا۔

جمعہ کو رانچی میں زیادہ سے زیادہ درجہ حرارت 27.4 ڈگری سیلسیس، جمشید پور میں 31 ڈگری سیلسیس، ڈالٹن گنج میں 31.8 ڈگری سیلسیس، بوکارو میں 31.5 ڈگری اور چائباسا میں 30.8 ڈگری سیلسیس ریکارڈ کیا گیا۔

ہندوستھان سماچار

ہندوستان سماچار / محمد شہزاد