نئی دہلی، 3 ستمبر (ہ س)۔ جی ایس ٹی کونسل کی 56ویں میٹنگ بدھ کو نئی دہلی میں مرکزی خزانہ اور کارپوریٹ امور کی وزیر نرملا سیتارامن کی صدارت میں ہو رہی ہے۔ اس دو روزہ میٹنگ میں گڈز اینڈ سروسز ٹیکس (جی ایس ٹی) کی شرح، اصلاحات اور 5 اور 18 فیصد سلیب کی تجاویز کو بحث کے بعد منظور کیا جا سکتا ہے، جن کے فیصلوں کا اعلان 4 ستمبر کو کیا جا سکتا ہے۔

مرکزی خزانہ اور کارپوریٹ امور کی وزیر نرملا سیتا رمن کی زیر صدارت ہونے والی اس میٹنگ میں جی ایس ٹی کی شرحوں کو معقول بنانے، سلیبوں کو 5 اور 18 فیصد میں تبدیل کرنے اور معاوضہ سیس پر تبادلہ خیال کیا جا رہا ہے۔ وزارت کے مطابق جی ایس ٹی کونسل کی 56ویں میٹنگ کے فیصلوں کا اعلان 4 ستمبر کو کیا جانا ہے۔ اس میٹنگ میں جی ایس ٹی کونسل کے ارکان آٹھ سال پرانے جی ایس ٹی ٹیکس ڈھانچے میں بڑی تبدیلیوں پر تبادلہ خیال کر رہے ہیں۔ مرکزی حکومت نے جی ایس ٹی کی شرحوں میں اب تک کی سب سے بڑی کٹوتی کی تجویز پیش کی ہے۔ مرکزی حکومت 5 اور 18 فیصد کے دو سلیب متعارف کر کے موجودہ جی ایس ٹی ٹیکس ڈھانچے کو آسان بنانے کی تجویز کر رہی ہے۔ فی الحال، 5 اور 18 اور 28 فیصد کے جی ایس ٹی کے چار سلیب ہیں۔

اس میٹنگ میں مرکزی وزیر مملکت برائے خزانہ پنکج چودھری، دہلی، گوا، ہریانہ، جموں و کشمیر، میگھالیہ اور اڈیشہ کے وزرائے اعلیٰ، اروناچل پردیش، بہار، مدھیہ پردیش اور تلنگانہ کے نائب وزرائے اعلیٰ، منی پور کے گورنر، ریاستوں/مرکز کے زیر انتظام علاقوں کے وزرائے خزانہ اور محکمہ محصولات کے چیئرمین، سی بی آئی سی کے ممبران اور سیکریٹری مالیاتی حکام شرکت کر رہے ہیں۔

ہندوستھان سماچار

---------------

ہندوستان سماچار / عبدالواحد