شیئر بازار میں تیزی، سینسیکس اور نفٹی میں اضافہ
نئی دہلی، 16 ستمبر (ہ س)۔
مقامی شیئر مارکیٹ میں آج ابتدائی تجارت کے دوران تیزی کا رجحان نظر آ رہا ہے۔ آج کی تجارت کا آغاز معمولی اضافے کے ساتھ ہوا۔ بازار کھلتے ہی خریداروں نے خریداری شروع کر دی، جس کی وجہ سے سینسیکس اور نفٹی دونوں انڈیکس میں تیزی آگئی۔ حالانکہ بیچ بیچ میں ہلکے ہلکے جھٹکے بھی لگتے رہے لیکن اس کے باوجود بازار تیزی سے آگے بڑھتا رہا۔ صبح 10 بجے تک کاروبار کے بعد سینسیکس 0.34 فیصد اور نفٹی 0.31 فیصد کے اضافے کے ساتھ کاروبار کر رہے تھے۔
10 بجے تک کا کاروبار ہونے کے بعد شیئر مارکیٹ کے بڑے شیئروں میں ایکسس بینک، این ٹی پی سی، کوٹک مہندرا، او این جی سی اور بجاج فنسرو کے شیئر 1.24 فیصد سے لیکر 0.64 فیصد کی مضبوطی کے ساتھ کاروبار کر رہے تھے۔ دوسری جانب ایشین پینٹس، شری رام فائنانس، ٹائٹن کمپنی، ٹاٹا کنزیومر پروڈکٹس اور ایچ سی ایل ٹیکنالوجی کے شیئر 0.54 فیصد سے لیکر 0.14 فیصد کی کمزوری کے ساتھ کاروبار کرتے نظر آرہے تھے۔
ابھی تک کے کاروبار میں شیئر مارکیٹ میں 1,913 شیئروں میں ایکٹو ٹریڈنگ ہورہی تھی۔ ان میں سے 1,487 شیئر منافع کما کر سبز نشان میں جبکہ 426 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئر میں سے 24 شیئر خریداری کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 6 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئر میں سے 38 شیئر سبز نشان میں اور 12 شیئر سرخ نشان میں کاروبار کرتے نظر آرہے تھے۔
بی ایس ای کا سینسیکس آج 66.37 پوائنٹس کے معمولی اضافے کے ساتھ 81,852.11 پوائنٹس پر کھلا۔ کاروبار شروع ہوتے ہی فروخت کا ہلکا جھٹکا لگا لیکن کچھ ہی دیر بعد خریداروں نے خریداری شروع کر دی۔ خریداری شروع ہونے کی وجہ سے اس انڈیکس کی حرکت میں تیزی آگئی۔ بازار میں مسلسل خرید و فروخت کے درمیان صبح 10 بجے تک کاروبار کے بعد سینسیکس 277.78 پوائنٹس کے اضافے کے ساتھ 82,063.52 پوائنٹس کی سطح پر کاروبار کر رہا تھا۔ سینسیکس کی طرح این ایس ای نفٹی نے بھی 25,073.60 پوائنٹس کی سطح پر 4.40 پوائنٹس کے علامتی اضافے کے ساتھ آج تجارت شروع کی۔ مارکیٹ کھلنے کے کچھ ہی دیر بعد خریداروں نے خریداری شروع کر دی جس سے اس انڈیکس کی حرکت تیز ہو گئی۔ حالانکہ درمیان میں منافع وصولی کی وجہ سے فروخت کا ہلکا جھٹکا لگا، اس کے باوجود اس انڈیکس کی رفتار برقرار رہی۔ بازار میں مسلسل خرید و فروخت کے درمیان صبح 10 بجے تک کاروبار کے بعد نفٹی 77.60 پوائنٹس کے اضافے کے ساتھ 25,146.80 پوائنٹس کی سطح پر کاروبار کر رہا تھا۔
ہندوستھان سماچار
ہندوستان سماچار / انظر حسن
