لکھنؤ، 15 ستمبر (ہ س)۔ وزیر اعلی یوگی آدتیہ ناتھ نے پیر کو یہاں اپنی سرکاری رہائش گاہ پر ’جنتا درشن‘ منعقد کیا۔ اس دوران انہوں نے ریاست بھر سے ہر متاثرین تک پہنچ کر ان کی شکایات سنیں اور انہیںان کے مسائل کے حل کی یقین دہانی کرائی۔ 50 سے زیادہ لوگ ’جنتا درشن‘ پر اپنی شکایتیں لے کر آئے تھے۔ وزیر اعلییوگی آدتیہ ناتھ نے رائے بریلی کے ایک گردے اور دل کے مریض کو میڈیکل کالج میں داخل کرنے کی ہدایت دی ہے۔

رائے بریلی کے تھانہ کھیرو کے گاوں برولیا کا ایک نوجوان بھی ’جنتا درشن‘ میں پہنچا۔ اس نے وزیراعلیٰ کو درخواست دی اور بتایا کہ ان کے والد گردے، دل اور پیشاب کے عارضے میں مبتلا ہیں۔ اب پرائیویٹ اسپتال میں علاج کروانے میں مالی مشکلات کا سامنا ہے۔ اس پر وزیر اعلیٰ یوگی آدتیہ ناتھ نے انہیں فوری طور پر میڈیکل کالج میں داخل کرانے کی ہدایت دی۔ وزیراعلیٰ نے علاج کے لیے اسپتال سے تخمینہ لینے کو بھی کہا۔

جنتا درشن میں، بہت سے شکایت کنندگان نے علاج کے لیے مالی مدد کے لیے درخواستیں جمع کرائیں۔ اس پر وزیر اعلی یوگی آدتیہ ناتھ نے سب کو بتایا کہ حکومت ہر ضرورت مند مریض کو علاج کے لیے مالی مدد فراہم کر رہی ہے۔ آپ بھی اسپتال سے تخمینہ تیار کر کے بھیج دیں۔ آپ کے علاج کے اخراجات حکومت اٹھائے گی۔ حکومت گزشتہ 8 برسوں سے مسلسل ہر ضرورت مند کی مالی امداد کر رہی ہے۔

بہت سے شکایت کنندگان کے ساتھ کئی بچے بھی ’جنتا درشن‘ میں آئے، جن کو وزیر اعلی یوگی آدتیہ ناتھ نے پیار بھی کیا۔ انہوںنے ان کے سر پر پیار سے تھپکی دے کر انہیں اپنائیت کا احساس دلایا۔ وزیر اعلی یوگی نے تمام بچوں کو چاکلیٹ اور ٹافیاں بھی دیں۔

ہندوستھان سماچار

ہندوستان سماچار / محمد شہزاد