نئی دہلی، یکم ستمبر (ہ س)۔

انٹرنیشنل کرکٹ کونسل (آئی سی سی) نے آئی سی سی ویمنز کرکٹ ورلڈ کپ 2025 کے لیے انعامی رقم میں چار گنا اضافے کا اعلان کرکے خواتین کی کرکٹ کی تاریخ میں ایک نیا سنگ میل طے کیا ہے۔ 30 ستمبر سے 2 نومبر تک بھارت اور سری لنکا میں ہونے والے اس ٹورنامنٹ کی فاتح ٹیم کو 4.48 ملین ڈالر کا ریکارڈ ملے گا۔

آئی سی سی کے صدر جے شاہ نے کہا کہ یہ اعلان خواتین کرکٹ کے سفر میں ایک تاریخی لمحہ ہے۔ ہماری سوچ واضح ہے کہ خواتین کھلاڑیوں کو بھی مردوں کے برابر عزت اور مواقع ملنے چاہئیں۔ یہ قدم آنے والی نسلوں کو متاثر کرے گا اور خواتین کی کرکٹ کو نئی بلندیوں پر لے جائے گا۔ یہ فیصلہ خواتین کرکٹ کو فروغ دینے اور کھیل میں تنخواہ برابری کی پالیسی کو آگے بڑھانے کے لیے کیا گیا ہے۔

آئی سی سی نے کہا کہ اس بار کل انعامی رقم 13.88 ملین ڈالر ہوگی جو کہ 2022 میں نیوزی لینڈ میں ہونے والے پچھلے ایڈیشن میں 3.5 ملین ڈالر کی رقم سے تقریباً 297 فیصد زیادہ ہے۔ خاص بات یہ ہے کہ یہ رقم مردوں کے 2023 ورلڈ کپ (10 ملین ڈالر) سے بھی زیادہ ہے۔ ورلڈ کپ بھارت اور سری لنکا میں پانچ مقامات، گوہاٹی، اندور، نوی ممبئی، وشاکھاپٹنم اور کولمبو میں منعقد ہوگا۔

انعامی رقم کی تفصیلات

جیتنے والی ٹیم – 4.48 ملین ڈالر (2022 سے 239فیصد زیادہ)

رنر اپ - 2.24 ملین ڈالر (2022میں 600,000 ڈالر)

سیمی فائنل ہارنے والی دونوں ٹیمیں – ہر ایک 1.12ملینڈالر (2022 میں 300,000ڈالر)

ہر گروپ مرحلے کی جیت – 34,314ڈالر

پانچویں اور چھٹے نمبر پر آنے والی ٹیمیں - ہر ایک 700,000ڈالر

ساتویں اور آٹھویں نمبر پر آنے والی ٹیمیں - ہر ایک 280,000ڈالر

تمام حصہ لینے والی ٹیموں کے لیے کم از کم رقم – 250,000ڈالر

ہندوستھان سماچار

ہندوستان سماچار / عطاءاللہ