جموں, 31 اگست (ہ س)جموں و کشمیر کے سرحدی ضلع پونچھ میں پولیس نے ایک بڑی کارروائی انجام دیتے ہوئے دو دہشت گردوں کو اسلحہ و گولہ بارود سمیت گرفتار کر لیا۔

حکام کے مطابق گرفتار دہشت گردوں کی شناخت اعظم آباد کے طارق شیخ اور چمبر گاؤں کے ریاض احمد کے طور پر ہوئی ہے۔ پولیس نے اعظم آباد میں طارق شیخ کے گھر پر چھاپہ مار کر دونوں کو حراست میں لیا۔

بعد ازاں ابتدائی پوچھ گچھ کی بنیاد پر پولیس نے جلیان گاؤں میں شیخ کے کرایہ کے مکان پر بھی چھاپہ مارا، جہاں سے دو اے کے رائفلیں اور بھاری مقدار میں گولہ بارود برآمد ہوا۔

پولیس حکام کا کہنا ہے کہ دونوں سے تفتیش جاری ہے اور مزید انکشافات متوقع ہیں۔

ہندوستھان سماچار

ہندوستان سماچار / محمد اصغر