تاریخ کے آئینے میں 31 اگست : کرکٹ میں پہلی بار قدآور کھلاڑی سر گیری سوبرز نے ایک اوور میں 6 چھکے لگائے

کرکٹ کی تاریخ میں چند ہی کھلاڑی ایسے ہیں جنہوں نے ایک اوور میں چھ چھکے لگائے ہوں۔ ان کھلاڑیوں میں سے ایک ویسٹ انڈیز کے سابق قدآور سر گیری سوبرز ہیں جنہوں نے کرکٹ کی تاریخ میں پہلی بار ایک اوور میں چھ چھکے لگائے۔ انہوں نے یہ کارنامہ فرسٹ کلاس کرکٹ میں انجام دیا تھا۔ قدآور کھلاڑی نے آج ہی کے دن یعنی 31 اگست 1968 کو انگلش کاونٹی چیمپئن شپ میں ناٹنگھم شائر کی طرف سے کھیلتے ہوئے گلیمورگن کے خلاف میچ میں ایک اوور میں 6 چھکے لگائے تھے۔ اس دن سوبرز نے گلیمورگن کے گیندباز میلکم نیش کے اوور میں یہ چھکے لگائے تھے۔ ان کے ریکارڈ کو کبھی فراموش نہیں کیا جا سکتا۔ وہیں بین الاقوامی کرکٹ میں سب سے پہلے جنوبی افریقہ کے ہرشل گبز نے 2007 کے ون ڈے ورلڈ کپ میں ہالینڈ کے خلاف ایک اوور میں چھ چھکے لگائے تھے۔ ان کھلاڑیوں کے علاوہ یوراج سنگھ، کیرون پولارڈ سمیت کئی اور بلے بازوں کے نام اس فہرست میں شامل ہیں۔

دیگر اہم واقعات:

1881 - امریکہ میں پہلی بار ٹینس چیمپئن شپ کھیلی گئی۔

1920 – امریکی شہر ڈیٹرائٹ میں پہلی بار ریڈیو پر خبریں نشر کی گئیں۔

1956 - ہندوستان کے سابق صدر جمہوریہ ڈاکٹر راجندر پرساد نے ریاستی تنظیم نو کے بل کی منظوری دی۔

1962 - کیریبین ممالک ٹوبیگو اور ٹرینیڈاڈ برطانیہ سے آزاد ہوئے۔

1969 - سابق ہندوستانی کرکٹر جواگل سری ناتھ پیدا ہوئے۔

1984 – - بھارتی فلمی اداکار راجکمار راو پیدا ہوئے۔

1991 - ازبکستان اور کرغزستان نے سوویت یونین سے آزادی کا اعلان کیا۔

1997 - برطانیہ کی شہزادی اور شہزادہ چارلس کی سابق اہلیہ ڈائنا پیرس میں ایک کار حادثے میں انتقال کر گئیں۔

2002 - مشہور ایرانی گلوکار، نغمہ نگارفرہاد مہراد پیدا ہوئے۔

2005 - عراق کے دارالحکومت بغداد میں مذہبی موقع پر خودکش حملے کے خدشے کے باعث بھگدڑ مچنے سے 816 افراد ہلاک ہوئے۔

2008- حکومت نے امرناتھ اراضی تنازعہ کو حل کیا۔

2009- نئی دہلی میں منعقدہ جنتا دل (متحدہ) کی قومی کونسل کانفرنس میں شرد یادو کو دوبارہ متفقہ طور پر پارٹی صدر منتخب کیا گیا۔

2016 - برازیل کی صدر دلما روسیف کو عہدے سے ہٹا دیا گیا۔

2016 - اردو کے مشہور شاعر، ناول نگار ، پدم شری سے سرفراز کشمیری لال ذاکر کا انتقال ہوا۔

2020 - انڈین نیشنل کانگریس کے ممتاز رہنما، ہندوستان کے 13 ویں صدرپرنب مکھرجی کا انتقال ہوا۔

ہندوستھان سماچار

---------------

ہندوستان سماچار / انظر حسن