نئی دہلی، 29 اگست (ہ س)۔

بھارت پر عائد 50 فیصد امریکی ٹیرف، ڈالر انڈیکس میں اضافہ اور ڈالر کی مانگ میں اضافہ کے بارے میں مارکیٹ میں تشویش آج بھارت کی کرنسی مارکیٹ میں واضح طور پر دکھائی دے رہی تھی۔ کرنسی مارکیٹ میں منفی ماحول کے باعث آج روپیہ ڈالر کے مقابلے میں ریکارڈ کم ترین سطح پر پہنچ گیا۔ ہندوستانی کرنسی آج ڈالر کے مقابلے میں 57 پیسے گر کر 88.20 (عارضی) پر بند ہوئی۔ اس سے قبل جمعرات کو ہندوستانی کرنسی آخری کاروباری دن 87.63 روپے فی ڈالر پر بند ہوئی۔

روپے نے بھی آج کے کاروبار کا آغاز کمزوری کے ساتھ کیا۔ انٹربینک فارن ایکسچینج مارکیٹ میں، ہندوستانی کرنسی نے آج صبح ڈالر کے مقابلے میں 7 پیسے کی کمزوری کے ساتھ 87.70 روپے پر کاروبار شروع کی۔ آج کے کاروبار کے آغاز کے بعد روپے پر مسلسل دباو¿ رہا۔ روپے پر بڑھتے ہوئے دباو¿ کی وجہ سے ہندوستانی کرنسی 68 پیسے کمزور ہوکر 88.31 روپے فی ڈالر کی ریکارڈ کم ترین سطح پر پہنچ گئی۔ تاہم بعد میں ڈالر کی مانگ میں معمولی کمی کے باعث روپے کی حالت میں کچھ بہتری دیکھنے میں آئی۔ پورے دن کی تجارت کے بعد، روپیہ آج کی ٹریڈنگ 88.20 پر ختم ہوا، جو کہ ڈالر کے مقابلے میں 57 پیسے کم ہے۔

کرنسی مارکیٹ میں آج کے کاروبار میں، روپے نے ڈالر کے ساتھ ساتھ دیگر بڑی بین الاقوامی کرنسیوں کے مقابلے میں کمزوری کا مظاہرہ کیا۔ آج کی ٹریڈنگ کے بعد، روپیہ برطانوی پاو¿نڈ (جی بی پی) کے مقابلے میں 41.48 پیسے گر کر 118.73 (عارضی) تک پہنچ گیا۔ اسی طرح، روپیہ آج یورو کے مقابلے میں 88.59 پیسے کی کمی سے 102.96 (عارضی) تک پہنچ گیا۔

ہندوستھان سماچار

ہندوستان سماچار / عطاءاللہ