جموں, 3 جولائی (ہ س)۔ وادی کشمیر کو ملک کے دیگر حصوں کے ساتھ جوڑنے والی جموں-سرینگر قومی شاہراہ پر گاڑیوں کی آمد و رفت معمول کے مطابق جاری ہے۔ اس کے ساتھ ہی مغل روڈ، سونمرگ-سرینگر-گریز روڈ اور سنتھن ٹاپ روڈ پر بھی ٹریفک بحال ہے۔

ٹریفک محکمے کے مطابق تمام اہم زمینی راستوں پر فی الوقت کسی قسم کی رکاوٹ کی اطلاع نہیں ہے، تاہم مسافروں کو مشورہ دیا گیا ہے کہ وہ سفر کے دوران لین ڈسپلن کی سختی سے پابندی کریں اور غیر ضروری اوورٹیکنگ سے پرہیز کریں، کیونکہ اس سے سڑکوں پر جام لگنے کا خدشہ ہے۔

انتظامیہ نے عوام سے اپیل کی ہے کہ وہ روانگی سے قبل تازہ ترین ٹریفک ایڈوائزری ضرور چیک کریں تاکہ کسی قسم کی پریشانی سے بچا جا سکے۔

ہندوستھان سماچار

---------------

ہندوستان سماچار / محمد اصغر