چینیتس (چیک ریپبلک)، 09 جون (ہ س)۔ بھارت کی 10 سالہ ریسنگ ٹیلنٹ عتیقہ میر نے بین الاقوامی سطح پر ایک اور بڑا کارنامہ انجام دے دیا۔ انہوں نے باوقار روٹیکس یورو ٹرافی کے دوسرے مرحلے میں شاندار کارکردگی کا مظاہرہ کیا اور نویں نمبر پر رہیں اور اس مقابلے کے ٹاپ 10 میں جگہ حاصل کرنے والی پہلی ہندوستانی بن گئیں۔

اسٹیل رنگ سرکٹ میں منعقدہ اس ٹورنامنٹ میں ایکسل جی پی ٹیم کی نمائندگی کر رہیں عتیقہ نے ابتدائی کوالیفائنگ میں اپنے گروپ میں ساتویں نمبر پر رہی۔ تاہم، اس کے بعد کے تین ہیٹ راو¿نڈز میں انہیں دو بمپر پنالٹیملی، لیکن پھر بھی وہ دسویں نمبر پر اگلے مرحلے میں پہنچ گئی۔

اتوار کو پری فائنل کے دوران بارش شروع ہو گئی اور کورس میں گیلی سطحوں پر کوئی پیشگی تجربہ نہ ہونے کے بعد، عتیقہ نے اپنی غیر معمولی قدرتی صلاحیت کا مظاہرہ کیا اور دنیا کے بہترین ڈرائیوروں کے درمیان مضبوط مقابلہ کرتے ہوئے فائنل مرحلے کے لیے جگہ کو یقینی بنایا۔

فائنل ریس اور بھی مشکل حالات میں منعقد ہوئی۔ عتیقہ نے دسویں نمبر پر شروعات کی لیکن شروع میں چار پوزیشن نچھڑنے کے بعد انہوں نے زبردست واپسی کی اور نویں نمبر پر رہیں۔ عتیقہ نہ صرف ہندوستان بلکہ ایشیا سے بھی سرکردہ ڈرائیور رہیں۔

مقابلے کے بعد عتیقہ نے ایک باضابطہ بیان میں کہا، ”یہ ویک اینڈ حیرت انگیز تھا۔ میں نے دنیا کے بہترین ڈرائیوروں کے ساتھ مقابلہ کرتے ہوئے بہت کچھ سیکھا۔ خشک ٹریک پر میری رفتار اچھی تھی اور گیلی سطح پر میری پیشرفت بھی تسلی بخش تھی۔ میری ٹیم اور مکینک ایڈم نے بہت اچھا کام کیا۔ میں ان کی، اپنے والدین اور ملک کے تمام لوگوں کی شکر گزار ہوں۔“

روٹیکس یورو ٹرافی (جسے روٹیکس میکس یورپی چیمپئن شپ بھی کہا جاتا ہے) کارٹنگ کا ایک اعلیٰ ترین بین الاقوامی مقابلہ ہے جو روٹایکس میکس انجنوں سے چلنے والی کاروں کا استعمال کرتا ہے۔ یہ وہ مقابلہ ہے جہاں میکس ورسٹاپن، جارج رسل، لینڈو نورس اور موجودہ فارمولا 1 لیڈر آسکر پیسٹری جیسے بڑے نام کے ڈرائیوروں نے اپنے کیریئر کا آغاز کیا۔

قابل غور ہے کہ عتیقہ میر فارمولا 1 سے تکنیکی اور مالی تعاون حاصل کرنے والی پہلی ہندوستانی ہیں۔ ان کی کارکردگی ہندوستانی موٹر ریسنگ کی تاریخ میں سنگ میل ثابت ہوئی ہے۔

ہندوستھان سماچار

ہندوستان سماچار / محمد شہزاد