رائل چیلنجرز بنگلور نے پہلی بار آئی پی ایل 2025 میں ٹرافی جیت کر تاریخ رقم کی، اس جیت کے بعد پورا شہر بنگلور خوشی سے نہال ہو گیا۔ تاہم یہ خوشی صرف 24 گھنٹوں میں غم میں بدل گئی۔ چناسوامی اسٹیڈیم کے باہر بھگدڑ میں 7-8 لوگوں کی موت ہو گئی ہے اور 30 سے زیادہ لوگ زخمی ہوئے ہیں۔ اس حادثے پر مختلف ردعمل سامنے آ رہے ہیں۔ اداکارہ انوشکا شرما نے سوشل میڈیا پر جذباتی پوسٹ شیئر کرکے اپنے دکھ کا اظہار کیا ہے۔
انوشکا نے اپنے انسٹاگرام پر آئی پی ایل ٹیم آر سی بی کے آفیشل بیان کی پوسٹ شیئر کرکے اپنے غم کا اظہار کیا۔ انوشکا نے اس پوسٹ کے ساتھ ٹوٹے دل کا ایموجی شیئر کیا۔
بیان میں کہا گیا ہے، ٹیم کی آمد کے بعد بنگلورو میں منعقدہ ایک عوامی تقریب کے دوران پیش آنے والے بدقسمتی سے ہونے والی میڈیا رپورٹس سے ہمیں بہت دکھ ہوا ہے۔ ہم تمام متائثرہ افراد کی حفاظت اور صحت کو سب سے زیادہ اہمیت دیتے ہیں۔ ہم اس المناک واقعے میں جانیں گنوانے والوں کے اہل خانہ سے دلی تعزیت پیش کرتے ہیں۔ اور مقامی حکام کا مشورہ ہے کہ ہم تمام حامیوں سے درخواست کریں کہ وہ محفوظ رہیں، RCB نے جاری کردہ ایک بیان میں کہا۔
بھگدڑ کیسے ہوئی؟
بنگلورو کے چناسوامی اسٹیڈیم میں آر سی بی کی جیت کے جشن کے دوران بہت بڑا ہجوم جمع تھا۔ اسٹیڈیم کے باہر بھی لوگوں کی بڑی تعداد موجود تھی۔ بتایا جاتا ہے کہ پولیس نے بے قابو ہجوم پر قابو پانے کے لیے لاٹھی چارج کیا جس سے بھگدڑ مچ گئی۔ وزیر اعلیٰ سدارامیا نے بھگدڑ میں ہلاک ہونے والوں کے لواحقین کو 10 لاکھ روپے معاوضہ دینے کا اعلان کیا ہے۔
---------------
ہندوستان سماچار / عبدالسلام صدیقی
