بالی ووڈ سپر اسٹار عامر خان ان دنوں اپنی آنے والی فلم ’ستارے زمین پر‘ کی تشہیر میں مصروف ہیں۔ یہ فلم 20 جون کو سینما گھروں میں ریلیز ہونے جا رہی ہے اور اسے 2007 کی کامیاب فلم 'تارے زمین پر' کا روحانی سیکوئل سمجھا جا رہا ہے۔ ادھر کافی دنوں سے عامر کی مقبول فلم 'پی کے' کے سیکوئل کے بارے میں قیاس آرائیاں کی جا رہی تھیں۔ اب ایک انٹرویو میں عامر نے ان بحثوں کو ختم کرتے ہوئے 'پی کے 2' کے بارے میں ایک اہم اپ ڈیٹ دیا ہے۔
عامر خان نے آخر کار یہ کہہ کر ان تمام افواہوں کو ختم کر دیا کہ نہیں، پی کے 2 نہیں ہو رہی، مجھے نہیں معلوم کہ یہ خبر کہاں سے آئی، لیکن ایسا کچھ نہیں ہو رہا، 'پی کے-2' کے بجائے راجو اور میں دادا صاحب پھالکے کی بائیوپک بنا رہے ہیں، جس کی شوٹنگ اس سال کے آخر میں شروع ہو گی۔ اس بیان کے ساتھ انہوں نے تمام قیاس آرائیوں کا خاتمہ کردیا اور یہ بھی واضح کردیا کہ اگلی بار وہ ایک تاریخی اور متاثر کن کردار کے ساتھ ناظرین کے سامنے آنے والے ہیں۔
عامر خان اور راجکمار ہیرانی ایک بار پھر ایک بہت ہی خاص پروجیکٹ کے لیے ایک ساتھ آرہے ہیں۔ 'ستارے زمین پر' کے بعد یہ دونوں ہندوستانی سنیما کے بانی دادا صاحب پھالکے کی زندگی پر مبنی بائیوپک لانے جا رہے ہیں۔ اس فلم میں دادا صاحب پھالکے کی جدوجہد، ان کے جذبے اور ہندوستانی جدوجہد آزادی کے پس منظر میں سنیما کی شکل دینے کی ان کی کوششوں کو بڑے پردے پر پیش کیا جائے گا۔ فلم کی شوٹنگ سال کے آخر میں شروع ہونے کا امکان ہے۔ یہ فلم اس لیے بھی خاص ہے کیونکہ 'لال سنگھ چڈھا' کے بعد عامر خان نے کچھ عرصے کے لیے اداکاری سے خود کو دور کر لیا تھا۔ اب وہ اس بایوپک کے ذریعے ایک مضبوط اور تاریخی کردار کے طور پر بڑے پردے پر واپسی کرنے جا رہے ہیں۔ یہ فلم پہلے ہی بالی ووڈ میں خبروں میں ہے۔
---------------
ہندوستان سماچار / عبدالسلام صدیقی
