کانپور، 29 جون (ہ س)۔ بڈھانو تھانہ علاقہ میں پنکی نہر کے پل کے قریب مچھلیاں پکڑنے گئے چچا اور بھتیجے کی ڈوب کر موت ہو گئی۔ جب وہ دونوں رات بھر گھر نہیں لوٹے تو اتوار کی صبح ان کی تلاش شروع کی گئی۔ دونوں کے کپڑے اور سامان نہر کے قریب سے ملے تو اہل خانہ نے پولیس کو واقعے کی اطلاع دی۔ پولیس نے موقع پر پہنچ کر غوطہ خوروں کی مدد سے دونوں کی لاشیں نہر سے تقریباً 500 میٹر کے فاصلے سے نکال کر پوسٹ مارٹم کے لیے بھیج دیں۔
کھیرشا گاؤں کے رہنے والے رمیش پاسوان (55) ہفتے کی رات اپنے بھتیجے ببلو (35) کے ساتھ مچھلیاں پکڑنے کے لیے نہر پر گئے تھے۔ نہر میں جال بچھاتے ہوئے چچا بھتیجا جال میں پھنس کر ڈوب گئے اور دونوں پانی میں ڈوب کر جاں بحق ہوگئے۔
اہل خانہ نے بتایا کہ چچا اور بھتیجا اکثر شام کو شکار پر جاتے تھے اور اگلی صبح گھر واپس آتے تھے۔ اتوار کی صبح تک جب دونوں واپس نہیں آئے تو ان کے گھر والے انہیں ڈھونڈنے گئے تو ان کے کپڑے اور سامان نہر کے باہر پڑا پایا۔
بڈھانو پولیس اسٹیشن کے انچارج جتیندر پرتاپ سنگھ نے بتایا کہ مچھلی پکڑنے گئے چچا اور بھتیجے کی موت پانی میں ڈوبنے سے ہوئی۔ لاشوں کو پوسٹ مارٹم کے لیے بھیج کر مزید قانونی کارروائی کی جا رہی ہے۔
ہندوستھان سماچار
---------------
ہندوستان سماچار / عبدالواحد
