نئی دہلی، 27 جون (ہ س)۔ اسٹاک مارکیٹ میں غیر ملکی ادارہ جاتی سرمایہ کاروں کی جانب سے بڑے پیمانے پر خریداری اور برآمدی بلوں کی شکل میں ڈالر کی آمد جاری رہنے کی وجہ سے روپیہ آج ڈالر کے مقابلے میں 23 پیسے مضبوط ہوکر 85.48 (عارضی) پر بند ہوا۔

آج کرنسی مارکیٹ میں ہندوستانی کرنسی کی قیمت میں اتار چڑھاؤ ہوتا رہا۔ لیکن مقامی اسٹاک مارکیٹ کے مثبت رجحانات کی وجہ سے روپے کی قیمت مستحکم رہی۔ اس سے قبل جمعرات کو آخری کاروباری دن ہندوستانی کرنسی 85.71 روپے فی ڈالر کی سطح پر بند ہوئی۔ روپے نے بھی آج کی تجارت کا آغاز مضبوطی کے ساتھ کیا۔

ہندوستانی کرنسی آج صبح ڈالر کے مقابلے میں 21 پیسے کے اضافے کے ساتھ 85.50 روپے پر کھلی۔ دن بھر کے کاروبار کے دوران ڈالر کی مانگ میں اضافے کے باعث روپیہ کچھ وقت کے لیے ابتدائی سطح سے 15 پیسے گر کر 85.65 پر آگیا تاہم اس کے بعد ڈالر کی آمد میں اضافے کے باعث روپیہ 29 پیسے مضبوط ہوکر 85.42 تک پہنچ گیا۔ تاہم بعد ازاں ڈالر کی مانگ میں اضافے کے باعث روپیہ بالائی سطح سے 6 پیسے گر کر 85.48 پر بند ہوا۔

ہندوستانی کرنسی روپے نے ڈالر کے ساتھ ساتھ دیگر بڑی بین الاقوامی کرنسیوں کے مقابلے میں مضبوطی دکھائی۔ آج کی ٹریڈنگ کے بعد، برطانوی پاؤنڈ (جی بی پی) کے مقابلے روپیہ 34 پیسے مضبوط ہو کر 117.45 کی سطح پر پہنچ گیا۔ اسی طرح آج یورو کے مقابلے روپیہ 40 پیسے مضبوط ہوا اور 100.10 کی سطح تک پہنچنے میں کامیاب ہوا۔

---------------

ہندوستان سماچار / عبدالسلام صدیقی