پریاگ راج، 26 جون (ہ س)۔ جمعرات کو نینی تھانہ علاقے میں لپروسی چوراہے کے قریب ٹینکر کی زد میں آکر موٹرسائیکل پر سوار ماں بیٹے کی موت ہوگئی۔ اطلاع پر پہنچی پولیس ٹیم نے لاشوں کو تحویل میں لے کر قانونی کارروائی شروع کر دی ہے۔

ڈپٹی کمشنر آف پولیس یمنا نگر وویک چندر یادو نے بتایا کہ جمعرات کی صبح نینی میں لپروسی چوراہے کے قریب سیمنٹ کے ٹینکر کی زد میں آکر موٹر سائیکل پر سوار ماں اور بیٹے کی موت ہوگئی۔ اطلاع ملتے ہی پولیس موقع پر پہنچی اور دونوں لاشوں کو تحویل میں لے کر لواحقین کو اطلاع دی۔

حادثے میں مدھیہ پردیش کے ریوا ضلع کے سوہاگی تھانہ علاقے کے کونیا خورد گاوں میں کرشنا بہاری مشرا ولد سورامنی مشرا اور اس کی ماں اوشا مشرا عمر 72 سال کی موقع پر ہی موت ہو گئی۔ حادثے میں زخمی ہونے والی ایک خاتون کو علاج کے لیے اسپتال میں داخل کرایا گیا۔ پولیس ٹیم نے اہل خانہ کی شکایت پر مزید قانونی کارروائی شروع کر دی ہے۔

ہندوستھان سماچار

ہندوستان سماچار / محمد شہزاد