بھاگلپور، 23 جون (ہ س)۔ بہار کے مشہور ماہر امراض چشم ڈاکٹر وکاس کمار پانڈے اب سیاست کے ذریعے ایک نئی عوامی خدمت شروع کرنے جا رہے ہیں۔ گزشتہ 17 برسوں میں طبی خدمات کے ذریعے 17,000 سے زیادہ ضرورت مند مریضوں کی بینائی بحال کرنے والے ڈاکٹر اب جن سوراج ابھیان کے تحت بھاگلپور اسمبلی سے الیکشن لڑیں گے۔

جنسوراج کے بانی پرشانت کشور پر اٹوٹ اعتماد کا اظہار کرتے ہوئے ڈاکٹر پانڈے نے کہا کہ اب تک ہم نے مریضوں کی خدمت کی ہے، اب وقت آگیا ہے کہ عوام کی خدمت کی جائے۔ انہوں نے کہا کہ بھاگلپور آج بھی بنیادی سہولتوں کے ساتھ جدوجہد کر رہا ہے۔ اسے اسمارٹ سٹی بنانا ہمارا عزم ہے۔ بھاگلپور صرف نام کا اسمارٹ سٹی بن کر رہ گیا ہے۔ زمینی حقیقت بہت پیچھے ہے۔ اگر ہماری حکومت بنتی ہے تو سب سے پہلے ہم بھاگلپور سے ہجرت روکیں گے، تاکہ ہمارے نوجوان، ہمارے کسان، ہمارے مزدور یہاں عزت کے ساتھ رہ سکیں۔

ڈاکٹر پانڈے نے مزید کہا کہ اب تک انہوں نے آپریشن تھیئٹرمیں روشنی دی، اب وہ قانون ساز اسمبلی میں آواز اٹھا کر تبدیلی کی مشعل روشن کرنا چاہتے ہیں۔ میرا سیاست میں آنے کا مقصد اقتدار نہیں ،خدمت ہے۔ میرا مقصد بھاگلپور کو ایک ماڈل سٹی بنانا ہے جہاں ہر طبقہ کی آواز سنی جائے۔ جن سوراج کی سوچ اور پالیسی سے متاثر ہو کر اب وہ گاوں- گاوں جاکر لوگوں سے ملیں گے، ان کی باتیں سنیں گے اور عوام پر مبنی تبدیلی کے آغاز کا انہیں اعتماد دلائیں گے۔

ہندوستھان سماچار

ہندوستان سماچار / محمد شہزاد