بڈگام، 22 جون ( ہ س): 13 جون کو بڈگام ریسیونگ اسٹیشن پر ایک زبردست ٹرانسفارمر دھماکہ خطرناک ثابت ہوا، کیونکہ پاور ڈیولپمنٹ ڈیپارٹمنٹ (پی ڈی ڈی) کے دو زخمی ملازمین نے دیر رات سرینگر کے ایس ایم ایچ ایس اسپتال میں دم توڑ دیا۔ تفصیلات کے مطابق، دھماکہ مینٹیننس کے کام کے دوران ہوا، جس میں جموں کے رہنے والے جونیئر انجینئر ہتیش والی اور ٹیکنیشن منظور احمد ڈار ولد محمد اسماعیل ڈار ساکنہ خانپورہ بڈگام شدید زخمی ہوئے۔دونوں کا ابتدائی طور ضلع ہسپتال بڈگام میں علاج کیا گیا اور بعد میں جدید نگہداشت کے لیے ایس ایم ایچ ایس ہسپتال بھیج دیا گیا۔ تاہم وہ رات دیر گئے زخموں کی تاب نہ لاتے ہوئے چل بسے۔ حکام نے ٹرانسفارمر پھٹنے کی اصل وجہ جاننے کے لیے تحقیقات شروع کر دی ہیں۔ہندوستھان سماچار

ہندوستان سماچار / Mir Aftab