تل ابیب/غزہ، یکم جون (ہ س)۔ اسرائیل ڈیفنس فورس (آئی ڈی ایف) نے تصدیق کی ہے کہ حماس کے سینئر رہنما محمد سنوار 13 مئی کو جنوبی غزہ کے علاقے خان یونس میں ایک انتہائی عین مطابق فضائی حملے میں مارے گئے تھے۔ اس حملے میں 30 سیکنڈ میں 50 سے زائد بم گرائے گئے تھے۔

آئی ڈی ایف کے مطابق، حملے میں حماس کے زیر زمین سرنگ نیٹ ورک اور خان یونس میں یورپی اسپتال کے نیچے پھیلے کمانڈ سینٹر کو نشانہ بنایا گیا۔ سنوار کے علاوہ رفح بریگیڈ کے کمانڈر محمد شبانہ اور جنوبی خان یونس بٹالین کے کمانڈر مہدی کوارا بھی حملے میں مارے گئے۔ فوج نے یہ بھی دعویٰ کیا کہ تمام میزائل بالکل درست تھے اور اسپتال کو کوئی نقصان نہیں پہنچا۔

اس تصدیق کے بعد اسرائیل کے وزیر دفاع اسرائیل کاٹز نے ایک تہلکہ خیز بیان جاری کیا۔ انہوں نے کہا، ’’اب یہ سرکاری طور پر سامنے آیا ہے کہ محمد سنوار کو رفح بریگیڈ کے سربراہ محمد شبانہ اور ان کے ساتھیوں کے ساتھ مارا گیا۔ ‘‘

کاٹز نے مزید وارننگ دیتے ہوئے کہا، ’’حماس کے غزہ سٹی کمانڈر عزالدین حداد اور بیرون ملک ان کے رہنما، خلیل الحیا اور ان کے دیگر ساتھی تیار رہیں، آپ اگلی صف میں ہیں۔‘‘

ہندوستھان سماچار

---------------

ہندوستان سماچار / انظر حسن