امپھال، 24 مئی (ہ س)۔ سیکورٹی فورسز نے امپھال کے مشرقی ضلع کے ہینگانگ پولیس اسٹیشن کے تحت پنگی نیپالی بستی اور آس پاس کے پہاڑی علاقوں میں مشترکہ تلاشی کاروائی کے دوران بھاری مقدار میں اسلحہ اور دھماکہ خیز مواد برآمد کیا۔

ہفتہ کو منی پور پولیس کے ترجمان نے بتایا کہ برآمد شدہ اشیاء میں ایک 9 ایم ایم ایس ایم جی کاربائن اور ایک 9 ایم ایم پستول (دونوں میگزین کے ساتھ) شامل ہیں۔ اس کے علاوہ تین نمبر 36 ہینڈ گرنیڈ کے ساتھ دو آرمنگ رِنگز، دو 7.62x39ایم ایم ، پانچ .303، پانچ 5.56x45ایم ایم ، دس 5.56x30ایم ایم اور پانچ 7.62x51ایم ایم کے زندہ کارتوس برآمد ہوئے۔

سیکورٹی فورسز نے ایک ایم کے 13 ٹی دھماکہ خیز مواد، پانچ .303 خالی کارتوس، چھ 9 ایم ایم زندہ کارتوس، ایک لیتھوڈ شیل، ایک انساس رائفل میگزین، تین آنسو دھوئیں کے گولے (نرم ناک)، دو سٹن گرینیڈ اور تین ٹیوب لانچنگ ڈیوائسز بھی قبضے میں لے لیں۔

اس کے علاوہ دو ہیلمٹ اور ایک بلٹ پروف جیکٹ بھی برآمد ہوئی ہے۔ فی الحال سیکیورٹی ادارے اس معاملے کی تحقیقات کر رہے ہیں کہ ان ہتھیاروں کو رکھنے کا مقصد کیا تھا اور ان کے پیچھے کس تنظیم کا ہاتھ ہے۔

ہندوستھان سماچار

---------------

ہندوستان سماچار / عبدالواحد