شمال مشرقی ریاستوں میں 25 لاکھ نئی ملازمتیں پیدا کی جائیں گی: مکیش امبانی

نئی دہلی، 23 مئی(ہ س)۔

ریلائنس انڈسٹریز کے چیئرمین مکیش امبانی نے شمال مشرقی ریاستوں میں اپنی سرمایہ کاری کو 75 ہزار کروڑ روپے تک بڑھانے کا ہدف مقرر کیا ہے۔ فی الحال ان ریاستوں میں کمپنی کی تقریباً 30 ہزار کروڑ روپے کی سرمایہ کاری ہے۔ اس کا مطلب ہے کہ اگلے پانچ سالوں میں ریلائنس ان ریاستوں میں تقریباً 45 ہزار کروڑ روپے کی نئی سرمایہ کاری کرنے جا رہی ہے۔ مکیش امبانی دہلی کے بھارت منڈپم میں منعقد ' رائزنگ نارتھ ایسٹ انویسٹرس سمٹ' سے خطاب کر رہے تھے۔ مکیش امبانی نے اپنی تقریر کا آغاز وزیر اعظم مودی اور ملک کو ا?پریشن سندور پر مبارکباد دیتے ہوئے کیا، جو مسلح افواج کی بے مثال بہادری کی وجہ سے کامیاب ہوا۔

مکیشامبانی نے کہا کہ اس مجوزہ سرمایہ کاری سے 25 لاکھ سے زیادہ راست اور بالواسطہ روزگار کے مواقع پیدا ہوں گے۔ مکیش امبانی نے ریاستوں میں 350 بائیو گیس پلانٹ لگانے کے عزم کا بھی اظہار کیا۔ جیو کا حوالہ دیتے ہوئے مکیش امبانی نے کہا کہ ریلائنس جیو کا 5جی نیٹ ورک شمال مشرقی ریاستوں کی تقریباً 90 فیصد آبادی تک پہنچ چکا ہے۔ 50 لاکھ لوگ جیو 5جی نیٹ ورک سے جڑے ہوئے ہیں اور اس سال یہ تعداد دوگنی ہو جائے گی۔ ریلائنس ریٹیل کسانوں سے ان کی آمدنی بڑھانے کے لیے براہ راست خریداری کی حوصلہ افزائی کرے گی۔ وزیر اعظم کی تعریف کرتے ہوئے مکیش امبانی نے کہا کہ آپ کی کوششوں سے شمال مشرق حاشیے سے نکل کر ہندوستان کے ترقی کے نقشے پر ابھرا ہے۔

صحت کے شعبے میں ریلائنس فاو¿نڈیشن کے کام پر روشنی ڈالتے ہوئے انہوں نے کہا کہ ریلائنس فاو¿نڈیشن نے منی پور میں 150 بستروں کا کینسر ہسپتال قائم کیا ہے۔ اس کے ساتھ، فاو¿نڈیشن میزورم یونیورسٹی کے ساتھ جینومک ڈیٹا کا استعمال کرتے ہوئے چھاتی کے کینسر کی دیکھ بھال کو آگے بڑھانے کے لیے تعاون کر رہی ہے۔ فاو¿نڈیشن نے گوہاٹی میں ایک جدید مالیکیولر تشخیصی اور تحقیقی لیبارٹری قائم کی ہے۔ یہ ہندوستان میں جینوم کی ترتیب کی سب سے بڑی صلاحیتوں سے لیس ہوگا۔ شمال مشرقی ریاستوں میں، ریلائنس فاو¿نڈیشن تمام آٹھ ریاستوں کے ساتھ مل کر اولمپک تربیتی مراکز قائم کرے گی، جہاں سے باہر ا?نے والے نوجوان اولمپک میں تمغہ جیتنے کے قابل ہوں گے۔

ہندوستھان سماچار

ہندوستان سماچار / Mohammad Khan