اورنگ آباد ، 12 مئی (ہ س)۔

وسطی مہاراشٹر کے لاتور شہر میں ایک نوجوان کی

مبینہ طور پر خودکشی کے پیچھے نفرت انگیز رویہ اور جسمانی حملہ جیسے عناصر کی

تحقیقات جاری ہیں، اور پولیس نے پیر کو بتایا کہ ملزم کی تلاش کے لیے خصوصی ٹیمیں

تشکیل دی گئی ہیں۔ 30 سالہ امیر غفور پٹھان نے 4 مئی کی شام کو پھانسی لگا

لی تھی۔ ان کی اہلیہ ثمرین امیر پٹھان نے دعویٰ کیا ہے کہ ایک نامعلوم شخص نے ان

کے شوہر پر پاکستانی ہونے کا الزام لگایا اور ایک روز قبل ان پر حملہ

بھی کیا تھا۔

شکایت میں کہا گیا ہے کہ ثمرین جو ضلع عثمان

آباد میں ایک پرائیویٹ بینک میں ڈپٹی

منیجر ہیں، روزانہ لاتور آتی تھیں اور ان کے شوہر عام طور پر انہیں اسکوٹر پر لینے

آتے تھے۔ 3 مئی کی شام جب وہ بس سے اتریں اور امیر کو کال کی تو انہیں فون پر اپنے

شوہر کی آواز سنائی دی جو کسی نامعلوم شخص سے رحم کی درخواست کر رہے تھے۔ کچھ دیر

بعد ثمرین نے سمودھن چوک پر اپنے شوہر کو تلاش کیا تو ان کی قمیض پھٹی ہوئی تھی۔ امیر

نے بتایا کہ ایک شخص گاڑی سے اترا، انہیں کشمیر اور پاکستان سے تعلق رکھنے والا

قرار دیا اور ان پر حملہ کر دیا۔

شکایت کے مطابق اس نامعلوم شخص نے خود

کو صحافی بتایا اور امیر کی تصاویر اور ویڈیوز سوشل میڈیا پر وائرل کرنے کی دھمکی

دی۔ اس نے انہیں ’پاکستانی شہری‘ کہہ کر بدنام کرنے کی بھی کوشش کی۔ اگلے دن امیر نے

خودکشی کر لی۔ پولیس نے واقعے کے بعد بھارتیہ نیائے سہنتا کے تحت خودکشی پر اکسانے

اور مجرمانہ دھمکی دینے کی دفعات کے تحت مقدمہ درج کر لیا ہے۔ پولیس افسر نے

بتایا، ہم ملزم کا سراغ لگا رہے ہیں اور مختلف مقامات پر ٹیمیں روانہ کر دی

گئی ہیں۔

ہندوستھان

سماچار

--------------------

ہندوستان سماچار / نثار احمد خان