نئی دہلی، 11 مئی (ہ س)۔ مقامی صرافہ مارکیٹ میں آج سونے کی قیمت میں معمولی اضافہ دیکھا گیا ہے۔ قیمت میں اس اضافے کی وجہ سے آج ملک کی بیشتر صرافہ مارکیٹوں میں 24 کیرٹ سونا 98,680 روپے سے 98,830 روپے فی 10 گرام کے درمیان ٹریڈ کر رہا ہے۔ اسی طرح 22 قیراط سونا آج 90,450 روپے سے 90,600 روپے فی 10 گرام کے درمیان فروخت ہو رہا ہے۔ چاندی کی قیمتوں میں بھی معمولی اضافہ ہوا ہے، جس کی وجہ سے دہلی صرافہ مارکیٹ میں یہ چمکدار دھات 99,000 روپے فی کلو گرام کی سطح پر ٹریڈ کر رہی ہے۔

اگر ہفتہ وار بنیادوں پر دیکھا جائے تو پیر سے ہفتہ کی ٹریڈنگ کے بعد ملک کی بیشتر صرافہ مارکیٹوں میں 24 کیرٹ سونے کی قیمت 3170 روپے فی 10 گرام تک مضبوط ہوئی ہے۔ اسی طرح 22 کیرٹ سونے کی قیمت میں بھی گزشتہ ایک ہفتے کے دوران 2900 روپے فی 10 گرام کا اضافہ ہوا ہے۔ اس اضافے کی وجہ سے سونا ایک بار پھر ایک لاکھ روپے کی سطح کے بالکل قریب ٹریڈ کر رہا ہے۔

دہلی میں آج 24 کیرٹ سونا 98,830 روپے فی 10 گرام پر ٹریڈ کر رہا ہے، جب کہ 22 کیرٹ سونے کی قیمت 90,600 روپے فی 10 گرام ریکارڈ کی گئی ہے۔ اس کے ساتھ ہی ملک کی مالیاتی راجدھانی ممبئی میں 24 کیرٹ سونا 98,680 روپے فی 10 گرام اور 22 کیرٹ سونا 90,450 روپے فی 10 گرام میں فروخت ہو رہا ہے۔ اسی طرح احمد آباد میں 24 کیرٹ سونے کی خوردہ قیمت 98,730 روپے فی 10 گرام ریکارڈ کی گئی ہے اور 22 کیرٹ سونے کی قیمت 90,500 روپے فی 10 گرام ریکارڈ کی گئی ہے۔ ان بڑے شہروں کے علاوہ چنئی میں آج 24 کیرٹ سونا 98,680 روپے فی 10 گرام اور 22 کیرٹ سونا 90,450 روپے فی 10 گرام میں فروخت ہو رہا ہے۔ کولکاتا میں بھی 24 کیرٹ سونا 98,680 روپے فی 10 گرام اور 22 کیرٹ سونا 90,450 روپے فی 10 گرام پر ٹریڈ کر رہا ہے۔

لکھنؤ کے صرافہ مارکیٹ میں آج 24 کیرٹ سونا 98,830 روپے فی 10 گرام کی سطح پر فروخت ہو رہا ہے اور 22 کیرٹ سونا 90,600 روپے فی 10 گرام کی سطح پر فروخت ہو رہا ہے۔ پٹنہ میں 24 کیرٹ سونے کی قیمت 98,730 روپے فی 10 گرام ہے، جب کہ 22 کیرٹ سونا 90,500 روپے فی 10 گرام پر فروخت ہو رہا ہے۔ جے پور میں 24 کیرٹ سونا 98,830 روپے فی 10 گرام اور 22 کیرٹ سونا 90,600 روپے فی 10 گرام میں فروخت ہو رہا ہے۔

ملک کی دیگر ریاستوں کی طرح کرناٹک، تلنگانہ اور اڈیشہ کے صرافہ مارکیٹ میں آج سونا مہنگا ہوگیا ہے۔ ان تینوں ریاستوں کے دارالحکومتوں، بنگلورو، حیدرآباد اور بھونیشور میں آج 24 قیراط سونا 98,680 روپے فی 10 گرام پر ٹریڈ کر رہا ہے۔ اسی طرح ان تینوں شہروں کی صرافہ مارکیٹوں میں 22 کیرٹ سونا 90,450 روپے فی 10 گرام کی سطح پر فروخت ہو رہا ہے۔

---------------

ہندوستان سماچار / عبدالسلام صدیقی