پٹنہ، 11 مئی (ہ س)۔ وزیر اعلی نتیش کمار نے اتوارکے روز پٹنہ ضلع کے تحت مختلف سڑکوں کا معائنہ کیا۔ اس دوران انہوں نے ہاتھی خان موڑ سے چاندماڑی تک بننے والی سڑک کو چوڑا اور مضبوط کرنے کے کام کا جائزہ لیا۔ یہ راستہ اسری-چھتناواں راستے کو ترہا ٹولی، کوہی موڑ، کھیرنی چک موڑ، رگھورام پور پل، ڈی پی ایس اسکول اور لودی پور اور چاندماری کو جوڑتاہے۔

پٹنہ ضلع کے پرگتی یاترا کے دوران وزیر اعلیٰ نے اسری-چھتناواں سڑک کا افتتاح کیا۔ ہاتھی خان موڑ سے چاندماری تک سڑک کو چوڑا اور مضبوط کرنے کے کام کی وجہ سے لوگوں کو اسری-چھتنوان، شیوالا، نوبت پور، بیکم، پلی، جہان آباد اور آرا کی طرف جانے کے لیے ایک اضافی متبادل راستہ ملے گا۔وزیر اعلیٰ نے شیوالا آر او بی کا بھی معائنہ کیا۔ انہوں نے شیوالا موڑ کے قریب تعمیر ہونے والی آر او بی سڑک کے بارے میں بھی معلومات لی۔ وزیر اعلیٰ نے چاندماری گاؤں کے قریب سڑک کا معائنہ کیا۔ انہوں نے سینک موڑ، دانا پور کے قریب بھی رک کر پٹنہ میٹرو ریل کے کام کا معائنہ کیا۔معائنہ کے دوران وزیر اعلیٰ نے عہدیداروں کو ہدایت دی کہ تعمیر شدہ سڑکوں کی بروقت دیکھ بھال کی جائے اور زیر تعمیر سڑکوں کے تعمیراتی کام میں تیزی لائی جائے۔ وزیر اعلیٰ کے ساتھ ریاستی آبی وسائل اور پارلیمانی امور کے وزیر وجے کمار چودھری، وزیر اعلیٰ کے سکریٹری کمار روی، وزیر اعلیٰ کے اسپیشل افسر گوپال سنگھ، پٹنہ کے ضلع مجسٹریٹ چندر شیکھر سنگھ، سینئر سپرنٹنڈنٹ آف پولیس اوکاش کمار اور دیگر اعلیٰ افسران بھی تھے۔

ہندوستھان سماچار

ہندوستان سماچار / Mohammad Afzal Hassan