کولکاتا، 20 اپریل (ہ س)۔ وزیر اعلیٰ ممتا بنرجی نے ریاست میں حالیہ واقعات کو لے کر بھارتیہ جنتا پارٹی (بی جے پی) پر بڑا الزام لگایا ہے۔ انہوں نے کہا ہے کہ بی جے پی مغربی بنگال میں فرقہ وارانہ کشیدگی پھیلانے کی کوشش کر رہی ہے۔

وزیر اعلیٰ نے یہ الزام ایک کھلے خط کے ذریعے لگایا، جس میں انہوں نے ریاست کے لوگوں سے چوکنا رہنے کی اپیل کی۔ ممتا نے لکھا، بی جے پی اور اس کے اتحادی مغربی بنگال میں اچانک بہت جارحانہ ہو گئے ہیں۔ آر ایس ایس بھی ان کے اتحادیوں میں شامل ہے۔ یہ لوگ جان بوجھ کر ایک افسوسناک واقعہ کی آڑ میں اشتعال انگیزی کی سیاست کر رہے ہیں۔

ممتا نے لکھا، ہم سب سے پیار کرتے ہیں اور ساتھ رہنا چاہتے ہیں۔ ہم فسادات کی مذمت کرتے ہیں اور اس کے سخت خلاف ہیں۔ یہ لوگ ہمیں تقسیم کرنے کی سازش کر رہے ہیں تاکہ تنگ سیاسی فائدہ اٹھایا جا سکے۔

امن اور اتحاد برقرار رکھنے کی اپیل کرتے ہوئے وزیر اعلیٰ نے کہا کہ تشدد کے پیچھے مجرموں کے خلاف سخت کارروائی کی جا رہی ہے۔ انہوں نے عوام سے بھی اپیل کی کہ وہ باہمی بداعتمادی سے گریز کریں اور چوکس رہیں۔

ہندوستھان سماچار

---------------

ہندوستان سماچار / عبدالواحد