بنگلورو، 2 اپریل (ہ س)۔

رائل چیلنجرز بنگلور (آر سی بی) نے انسٹاگرام پر اپنی مقبولیت کے لحاظ سے نیا ریکارڈ قائم کر دیا ہے۔ ٹیم نے 18 ملین فالوورز کا ہندسہ عبور کر لیا ہے، جس سے یہ پلیٹ فارم پر انڈین پریمیئر لیگ (آئی پی ایل) کی سب سے زیادہ فالو کی جانے والی فرنچائز بن گئی ہے۔ آر سی بی نے اپنے منفرد اور دل چسپ مواد کے ذریعے مداحوں کے ساتھ گہرا رابطہ قائم کیا ہے، جس سے سوشل میڈیا برانڈ کی ترقی اور تجارتی مشغولیت کا ایک طاقتور ذریعہ ہے۔ یہ اطلاع فرنچائز کی طرف سے جاری کردہ ایک بیان میں دی گئی۔

پچھلے سال، نومبر 2023 تک، آر سی بی چنئی سپر کنگز (سی ایس کے) اور ممبئی انڈینز (ایم آئی) سے پیچھے تھا۔ تاہم، ٹیم کی موثر سوشل میڈیا حکمت عملی اور شائقین کی زبردست وفاداری اسے اس دوڑ میں آگے لے آئی۔ اب آر سی بی کے 18.1 ملین فالوورز ہیں، جبکہ سی ایس کے کے 17.8 ملین اور ایم آئی کے 16.3 ملین فالوورز ہیں۔ آر سی بی نے 23 مارچ کو 17 ملین کے نشان کو چھو لیا اور صرف 10 دنوں میں 18 ملین تک پہنچ گیا۔

چنئی سپر کنگز کے خلاف ان کی حالیہ تاریخی جیت بھی سوشل میڈیا پر آر سی بی کی تیزی سے بڑھتی ہوئی مقبولیت کی ایک بڑی وجہ تھی۔ ٹیم نے 17 سال بعد سی ایس کے کو اس کے ہوم گراو¿نڈ پر شکست دی، جس کی وجہ سے شائقین میں زبردست جوش و خروش تھا۔ اس جیت کے بعد ٹیم کو سوشل میڈیا پر زبردست پذیرائی ملی اور فالوورز کی تعداد میں اضافہ ہوا۔

ہندوستھان سماچار

ہندوستان سماچار / عطاءاللہ