ممبئی میں 20 اپریل کو درجہ حرارت 24 سے 34 ڈگری سیلسیس کے درمیان رہنے کا امکان

ممبئی، 19 اپریل (ہ س)۔ محکمہ موسمیات کی تازہ رپورٹ کے مطابق ممبئی

میں 20 اپریل کو آسمان صاف رہے گا۔ درجہ حرارت 24 ڈگری سیلسیس سے 34 ڈگری سیلسیس

کے درمیان رہنے کا امکان ہے۔ ممبئی میں ہوا کے معیار سے متعلق ایک رپورٹ میں بتایا

گیا ہے کہ ایئر کوالٹی انڈیکس (اے کیو آئی) 55 درج کیا گیا ہے، جسے ’اطمینان بخش‘

زمرے میں رکھا گیا ہے۔ تاہم، سانس کی بیماریوں میں مبتلا افراد کو مشورہ دیا گیا

ہے کہ وہ غیر ضروری طور پر باہر نکلنے سے گریز کریں اور ماسک کا استعمال کریں۔

اگرچہ شہر میں غیر موسمی بوندا باندی

کا کوئی انتباہ جاری نہیں کیا گیا ہے، لیکن گزشتہ چند دنوں سے آسمان ابر آلود رہا

ہے، جس کی وجہ سے شہریوں کو تیز دھوپ سے قدرے راحت ملی ہے۔ آج کا موسم معمول سے

کچھ زیادہ ٹھنڈا محسوس کیا جا رہا ہے اور 19 اپریل کو بھی آسمان کے ابر آلود رہنے

کی پیشن گوئی کی گئی ہے۔

محکمہ موسمیات کی پیشن گوئی کے مطابق 19

اپریل کو ممبئی میں آسمان مکمل طور پر ابر آلود رہنے کا امکان ہے۔ اگرچہ درجہ

حرارت اور نمی کی سطح زیادہ ہے، لیکن شہر میں گرمی کی لہر یعنی ہیٹ ویو کا کوئی

الرٹ جاری نہیں کیا گیا ہے۔ ہندوستانی محکمہ موسمیات (آئی ایم ڈی) کے مطابق، آج

ممبئی کا موسم مرطوب رہے گا۔ کم سے کم درجہ حرارت 24 ڈگری سیلسیس اور زیادہ سے

زیادہ 33 ڈگری سیلسیس رہنے کی امید ہے۔ غروب آفتاب آج شام 6:57 پر متوقع ہے۔

ممبئی میں آج کے لیے بارش کا کوئی الرٹ

جاری نہیں کیا گیا ہے، تاہم پچھلے چند دنوں سے بادل چھائے ہوئے ہیں اور گزشتہ ہفتے

معمولی بوندا باندی ریکارڈ کی گئی ہے۔ موسمیاتی ماہرین کا کہنا ہے کہ یہ ابر آلود

حالات ودربھ، کونکن اور گوا میں ہونے والی بارش کے اثرات ہو سکتے ہیں۔ محکمہ

موسمیات کی اگلی 24 گھنٹوں کی رپورٹ کے مطابق تھانے تعلقہ میں تقریباً 0.1 سے 5

ملی میٹر تک ہلکی بارش کا امکان ہے۔

ہندوستھان سماچار

--------------------

ہندوستان سماچار / نثار احمد خان