نئی دہلی، 17 اپریل (ہ س)۔ ہندوستان کی سب سے بڑی دو پہیہ گاڑیاں بنانے والی کمپنی ہیرو موٹو کارپ لمیٹڈ سپلائی کے توازن کو برقرار رکھنے کے لیے اپنے چار پلانٹس میں 17 سے 19 اپریل تک پروڈکشن معطل رہیگا۔ کمپنی اس مدت کے دوران چاروں پلانٹس پر دیکھ بھال کی سرگرمیاں بھی انجام دے گی۔ کمپنی نے جمعرات کو ایک بیان میں کہا کہ دھروہرہ، گڑگاؤں، ہریدوار اور نیمرانا میں ہیرو موٹو کارپ لمیٹڈ کے چار پلانٹس میں پروڈکشن عارضی طور پر 17 سے 19 اپریل تک معطل رہے گا۔ یہ پلانٹس 21 اپریل کو دوبارہ کام شروع کریں گے، جبکہ تروپتی اور ہالول پلانٹس میں پروڈکشن جاری رہے گا۔ اس مدت کے دوران، آپریشنز کو مزید مضبوط بنانے کے لیے دیکھ بھال اور سہولت میں اضافہ کے لیے کام کیا جائے گا۔ کمپنی نے یقین دہانی کرائی ہے کہ اس روک کا خوردہ طلب پر کوئی اثر نہیں پڑے گا اور کسی بھی ملتوی پروڈکشن کو اگلے مہینے بنایا جائے گا۔

---------------

ہندوستان سماچار / عبدالسلام صدیقی