نئی دہلی، 17 اپریل (ہ س)۔ گھریلو شیئر بازار میں آج شروعاتی کاروبار کے دوران اتار چڑھاو کے درمیان دباو نظر آرہا ہے۔ آج کے کاروبار کی شروعات بھی گراوٹ کے ساتھ ہوئی تھی۔ بازار کھلنے کے بعد فروخت کے دباو کی وجہ سے سینسیکس اور نفٹی دونوں انڈیکسوں کی کمزوری مزید بڑھ گئی۔ حالانکہ کاروبار کے پہلے آدھے گھنٹے کے بعد خریداری کی حمایت سے دونوں انڈیکس کی حالت بہتر ہوئی تاہم اس کے بعد فروخت شروع ہونے سے کمزوری بڑھ گئی۔ کاروبار کے پہلے گھنٹے کے بعد سینسیکس 0.25 فیصد اور نفٹی 0.37 فیصد کی کمزوری کے ساتھ کاروبار کر رہے تھے۔
کاروبار کے ابتدائی گھنٹے کے بعد شیئر مارکیٹ کے بڑے شیئروں میں سے آئی سی آئی سی آئی بینک، گراسم انڈسٹریز، ایچ ڈی ایف سی بینک، سن فارماسیوٹیکلز اور ایٹرنل کے شیئر 1.92 فیصد سے لیکر 0.73 فیصد کی مضبوطی کے ساتھ کاروبار کر رہے تھے۔ دوسری طرف، وپرو، ایچ سی ایل ٹیکنالوجی، ہیرو موٹو کارپ، کول انڈیا اور انفوسس کے شیئر 5.81 سے لیکر 1.87 فیصد کی گراوٹ کے ساتھ کاروبار کر رہے تھے۔
ابھی تک کے کاروبار میں شیئر مارکیٹ میں 2,385 شیئروں میں ایکٹو ٹریڈنگ ہورہی تھی۔ ان میں سے 1,124 شیئر منافع کر سبز نشان میں جبکہ 1,261 شیئر نقصان کے ساتھ سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 6 شیئر خرید کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 24 کمپنیوں کے شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 10 شیئر سبز نشان میں اور 40 شیئر سرخ نشان میں کاروبار کرتے نظر آرہے تھے۔
بی ایس ای کا سینسیکس آج 76.27 پوائنٹس کی کمزوری کے ساتھ 76,968.02 پوائنٹس کی سطح پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس 76,665.77 پوائنٹس تک گر گیا۔ کاروبار کے پہلے آدھے گھنٹے کے بعد خریداری شروع ہوئی، جس کی وجہ سے انڈیکس چھلانگ لگاکر سبز نشان میں 77,099.10 پوائنٹس تک پہنچ گیا۔ حالانکہ صبح 10 بجے سے کچھ دیر پہلے ایک بار پھر فروخت شروع ہو گئی، جس کی وجہ سے انڈیکس ایک بار پھر سرخ نشان میں چلا گیا۔ مارکیٹ میں لگاتار خرید و فروخت کے درمیان پہلے 1 گھنٹے کے کاروبار کے بعد صبح 10.15 بجے سینسیکس 191.20 پوائنٹس کی کمزوری کے ساتھ 76,853.09 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی بھی آج 35.35 پوائنٹس کی کمی کے ساتھ 23,401.85 پوائنٹس پر کھلا۔ مارکیٹ کھلتے ہی فروخت کے دباو کی وجہ سے انڈیکس کچھ ہی دیر میں 23,298.55 پوائنٹس تک گر گیا۔ اس کے بعد خریداروں نے خریداری کا زور بنا دیا جس کی وجہ سے انڈیکس 23434.60 پوائنٹس تک پہنچنے میں کامیاب ہو گیا۔ خریداری کا یہ مرحلہ زیادہ دیر تک نہیں چل سکا۔ صبح 10 بجے سے پہلے ایک بار پھر مارکیٹ میں فروخت کا دباو تھا، جس کی وجہ سے اس انڈیکس کی کمزوری بڑھتی رہی۔ مارکیٹ میں مسلسل خرید و فروخت کے درمیان ابتدائی ایک گھنٹے کی تجارت کے بعد صبح 10.15 بجے نفٹی 86.75 پوائنٹس کی کمی کے ساتھ 23,350.45 پوائنٹس پر کاروبار کر رہا تھا۔
ہندوستھان سماچار
ہندوستان سماچار / انظر حسن
