پٹنہ، 29 مارچ (ہ س)۔بہار اسکول ایگزامینیشن بورڈ نے ہفتہ کے روز سہ پہر 10ویں میٹرک کے امتحان 2025 کا نتیجہ جاری کیا۔ جس میں کل 82.11 فیصد طلباء کامیاب ہوئے۔ وزیر تعلیم سنیل کمار نے بہار اسکول ایگزامینیشن بورڈ کے آڈیٹوریم میں نتائج کا اعلان کیا۔ اس موقع پر بہار اسکول ایگزامینیشن بورڈ کے چیئرمین آنند کشور اور محکمہ تعلیم کے ایڈیشنل چیف سکریٹری ایس سدھارتھ بھی موجود تھے۔بہار بورڈ میٹرک کے امتحان کے نتائج کا آج اعلان کر دیا گیا۔ اس سال 15.68 لاکھ سے زائد طلباء نے امتحان دیا تھا جن میں سے 12 لاکھ 79 ہزار 294 کامیاب ہوئے تھے۔ یعنی 82.11 فیصد طلباء نے میٹرک کا امتحان پاس کیا۔ سمستی پور کی طالبہ ساکشی کماری نے سب سے زیادہ نمبر حاصل کر کے امتحان میں ٹاپ کیا۔اس سال ٹاپ 10 میں کل 123 طلبہ ہیں۔ یہاں تک کہ ٹاپ پوزیشن پر 3 طلبہ ہیں۔ ان میں سمستی پور سے ساکشی کماری، مغربی چمپارن کے گہری سے انشو کماری اور بھوجپور سے رنجن ورما شامل ہیں۔ تینوں نے 489 یعنی 97.80 فیصدنمبر حاصل کئے۔ بہار بورڈ کلاس 10 ویں کا امتحان 17 فروری سے 25 فروری تک منعقد ہوا تھا۔ تقریباً 15 لاکھ 85 ہزار طلباء نے امتحان میں حصہ لیا۔ اس کے لیے ریاست بھر میں 1677 امتحان مراکز بنائے گئے تھے۔گذشتہ سال بہار بورڈ کے 10ویں کے نتائج میں کل 4,52,302 طلباء نے فرسٹ ڈویژن حاصل کی تھی، جن میں سے 2,52,846 لڑکے اور 1,99,456 لڑکیاں تھیں۔ 5,24,965 طلباء نے سیکنڈ ڈویژن حاصل کیا جن میں 2,52,121 لڑکے اور 2,72,844 لڑکیاں شامل تھیں۔ مجموعی طور پر 3,80,732 طلباء نے تھرڈ ڈویژن حاصل کی جن میں 1,66,093 لڑکے اور 2,14,639 لڑکیاں شامل ہیں۔ہندوستھان سماچار

ہندوستان سماچار / Mohammad Afzal Hassan