نئی دہلی، 28 مارچ (ہ س)۔

گھریلو شیئر بازار میں آج شروعاتی کاروبار کے دوران دباو نظر آرہا ہے۔ آج کے کاروبار کی شروعات معمولی سبقت کے ساتھ ہوئی تھی۔ بازار کھلنے کے بعد خریداری کی حمایت کی وجہ سے معمولی تیزی کا رجحان بھی پیدا ہوا، لیکن کاروبار کے پہلے 10 منٹ کے بعد مارکیٹ میں فروخت شروع ہوگئی، جس کی وجہ سے سینسیکس اور نفٹی دونوں انڈیکس سرخ نشان میں ڈوب گئے۔ صبح 10 بجے تک کاوربار کے بعد سینسیکس اور نفٹی 0.16 فیصد کی کمزوری کے ساتھ کاروبار کر رہے تھے۔

10 بجے تک کاروبار کے بعد شیئر مارکیٹ کے بڑے شیئروں میں ٹاٹا کنزیومر پروڈکٹس، او این جی سی، نیسلے، ہندوستان یونی لیور اور ٹرینٹ لمیٹڈ کے شیئر 3.90 فیصد سے لیکر 1.16 فیصد کی مضبوطی کے ساتھ کاروبار کر رہے تھے۔ دوسری طرف مہندرا اینڈ مہندرا، وپرو، انفوسس، سیپلا اور پاور گرڈ کارپوریشن کے شیئر 3.32 فیصد سے لیکر 1.46 فیصد کی گراوٹ کے ساتھ کاروبار کرتے نظر آرہے تھے۔

موجودہ کاروبار میں شیئر مارکیٹ میں 2,419 شیئروں میں ایکٹو ٹریڈنگ ہورہی تھی۔ ان میں سے 1,750 شیئر منافع کماکر سبز نشان میں جبکہ 669 شیئر خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 12 شیئر خرید کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 18 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 20 شیئر سبز نشان میں اور 30 ​​شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 84.26 پوائنٹس کے اضافے کے ساتھ 77,690.69 پوائنٹس کی سطح پر کھلا۔ کاروبار شروع ہوتے ہی انڈیکس خریداری کے حمایت سے 77,750.45 پوائنٹس کی چھلانگ پر پہنچ گیا، لیکن کاروبار کے پہلے 10 منٹ کے بعد مارکیٹ میں فروخت شروع ہوگئی۔ اس فروخت کی وجہ سے یہ انڈیکس سرخ نشان میں گر گیا۔ بازار میں مسلسل خرید و فروخت کے درمیان صبح 10 بجے تک تجارت کے بعد سینسیکس 126.97 پوائنٹس کی کمزوری کے ساتھ 77,479.46 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے بھی آج 8.45 پوائنٹس کے معمولی اضافے کے ساتھ 23,600.40 پوائنٹس پر تجارت شروع کی۔ مارکیٹ کھلتے ہی یہ انڈیکس خریداری کی حمایت سے 23,629.70 پوائنٹس تک پہنچ گیا۔ اس اضافے کے بعد مارکیٹ میں منافع وصولی شروع ہوگئی جس کی وجہ سے اس انڈیکس کی حرکت میں بھی کمی آئی۔ صبح 10 بجے تک مارکیٹ میں مسلسل خرید و فروخت کے بعد نفٹی 37.85 پوائنٹس کی کمزوری کے ساتھ 23,554.10 پوائنٹس کی سطح پر کاروبار کر رہا تھا۔

ہندوستھان سماچار

ہندوستان سماچار / انظر حسن