ملک کی جدوجہد آزادی میں 29 مارچ کی تاریخ کو خصوصی اہمیت حاصل ہے۔ دراصل29 مارچ 1857 کو منگل پانڈے نے برطانوی راج کے خلاف بغاوت کی مشعل روشن کی، جو جلد ہی پورے ہندوستان میں آزادی کے شعلوں میں بدل گئی۔ برطانوی حکمرانوں نے اس انقلاب کو دبانے کے لیے سب کچھ داو پر لگا دیا۔ بنگال کے بیرک پور چھاونی میں، 34 ویں بنگال کی مقامی انفنٹری کے منگل پانڈے نے پریڈ گراونڈ میں دو برطانوی افسران پر حملہ کیا اور پھر خود کو گولی مار کر زخمی کر لیا۔ اسے برطانوی حکومت نے 7 اپریل 1857 کو پھانسی دے دی، جب مقامی جلادوں نے منگل کو پھانسی دینے سے انکار کیا تو کولکتہ سے چار جلاد بلائے گئے اور اس بہادر سپاہی کو پھانسی دے دی گئی۔

اہم واقعات

1798: سوئٹزرلینڈ جمہوریہ بنا۔

1849: مہاراجہ دلیپ سنگھ نے اپنے آنجہانی والد رنجیت سنگھ کے تخت سے دستبرداری کی اور پنجاب کو ایسٹ انڈیا کمپنی نے ضم کر لیا۔

1857 منگل پانڈے نے کلکتہ کے قریب بیرک پور میں برطانوی راج کے خلاف بغاوت کا نعرہ بلند کیا۔

1859: بہادر شاہ ظفر دوم کو 1857 کے انقلاب میں حصہ لینے کا مجرم پایا گیا اور برطانوی حکومت نے انہیں رنگون (اب ینگون) جلاوطن کر دیا۔

1901: آسٹریلیا میں پہلے وفاقی انتخابات ہوئے۔

1943: مجاہد آزادی لکشمن نائک کو برہم پور جیل میں پھانسی دی گئی۔

1954: انڈین انسٹی ٹیوٹ آف پبلک ایڈمنسٹریشن کا افتتاح ہوا۔

1954: دہلی میں نیشنل گیلری آف ماڈرن آرٹ کا افتتاح ہوا۔

1967: فرانس نے اپنی پہلی ایٹمی آبدوز لانچ کی۔

1999: اتر پردیش (موجودہ اتراکھنڈ) کے کماو¿ن اور چمولی میں آدھی رات کے بعد آنے والے 6.8 شدت کے زلزلے میں 100 سے زائد افراد ہلاک ہوئے۔

2002: دہلی اور بیجنگ کے درمیان براہ راست کمرشل فلائٹ سروس دوبارہ شروع ہوئی۔

2004: آئرلینڈ کام کی جگہوں پر سگریٹ نوشی پر پابندی لگانے والا پہلا ملک بن گیا۔

2008: پہلی بار دنیا کے 370 شہروں نے توانائی کی بچت کے لیے ارتھ آور منانا شروع کیا۔

2010: ماسکو میٹرو ٹرینوں پر دو خودکش حملوں میں 40 افراد ہلاک ہوئے۔

2011: ہندوستان اور پاکستان کے درمیان دہشت گردی کی ہاٹ لائن قائم کی گئی۔ اس اقدام کو 2008 کے ممبئی حملوں کے بعد اعتماد سازی کے اقدام کے طور پر دیکھا گیا۔

2020: ہندوستان میں کورونا سے متاثرہ افراد کی تعداد 1000 سے تجاوز کر گئی۔

ہندوستھان سماچار

ہندوستان سماچار / Mohammad Khan