نئی دہلی، 26 مارچ (ہ س)۔
گھریلو شیئر بازار میں آج شروعاتی کاروبار کے دوران دباو دکھائی دے رہا ہے۔ آج کے کاروبار کا آغاز معمولی اضافے کے ساتھ ہوا۔ بازار کھلنے کے بعد خریداری کی حمایت کی وجہ سے سینسیکس اور نفٹی دونوں انڈیکس کی رفتار میں اضافہ ہوا، لیکن کاروبار کے پہلے 10 منٹ کے بعد ہی مارکیٹ میں فروخت شروع ہوگئی۔ اس فروخت کی وجہ سے دونوں انڈیکس سرخ رنگ میں ڈوب گئے۔ صبح 10 بجے تک کاروبار کے بعد سینسیکس 0.08 فیصد اور نفٹی 0.03 فیصد کی کمزوری کے ساتھ کاروبار کر رہے تھے۔
10 بجے تک کے کاروبار کے بعد شیئر مارکیٹ کے بڑے شیئروں میں انڈس انڈ بینک، پاور گرڈ کارپوریشن، بجاج فنسرو، بی پی سی ایل اور ہنڈالکو انڈسٹریز کے شیئرز 1.99 فیصد سے 0.50 فیصد کی مضبوطی کے ساتھ کاروبار کر رہے تھے۔ دوسری طرف ڈاکٹر ریڈی کی لیبارٹریز، ٹرینٹ لمیٹڈ، ٹیک مہندرا، بجاج آٹو اور ماروتی سوزوکی کے شیئر 1.39 فیصد سے لیکر 0.79 فیصد کی گراوٹ کے ساتھ کاروبار کرتے نظر آرہے تھے۔
موجودہ کاروبار میں شیئر مارکیٹ میں 2,453 شیئروں میں ایکٹو ٹریڈنگ ہورہی تھی۔ ان میں سے 861 شیئر منافع کماکر سبز نشان میں جبکہ 1592 شیئر خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 11 شیئر خرید کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 19 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 19 شیئر سبز نشان میں اور 31 شیئر سرخ نشان میں کاروبار کر رہے تھے۔
بی ایس ای کا سینسیکس آج 4.26 پوائنٹس کے علامتی اضافے کے ساتھ 78,021.45 پوائنٹس پر کھلا۔ کاروبار شروع ہوتے ہی خریداری کی حمایت سے انڈیکس چھلانگ لگا کر 78,167.87 پوائنٹس تک پہنچ گیا، لیکن کاروبار کے پہلے 10 منٹ کے بعد منافع وصولی کے چکر میں مارکیٹ میں فروخت شروع ہوگئی۔ فروخت کی وجہ سے یہ انڈیکس کچھ ہی عرصے میں سرخ نشان میں چلا گیا۔ حالانکہ کچھ دیر بعد خریداروں نے ایک بار پھر زور لگایا جس کی وجہ سے اس انڈیکس کی پوزیشن بہتر ہونا شروع ہوگئی۔ بازار میں مسلسل خرید و فروخت کے درمیان صبح 10 بجے تک کاروبار کے بعد سینسیکس 62.54 پوائنٹس کی گراوٹ کے ساتھ 77,954.65 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 32.30 پوائنٹس کے اضافے کے ساتھ 23,700.95 پوائنٹس پر تجارت شروع کی۔ مارکیٹ کھلتے ہی خرید کے سہارے یہ انڈیکس 23,736.50 پوائنٹس تک چھلانگ لگانے میں کامیاب ہوا، حالانکہ کچھ دیر بعد مارکیٹ میں فروخت شروع ہوگئی۔ اس فروخت کی وجہ سے یہ انڈیکس بھی گرکر سرخ نشان پر پہنچ گیا۔ حالانکہ کچھ دیر بعد خریداروں نے ایک بار پھر دباو ڈالا جس کی وجہ سے اس انڈیکس کی صورتحال بہتر ہونے لگی۔ صبح 10 بجے تک مارکیٹ میں مسلسل خرید و فروخت کے بعد نفٹی 6.15 پوائنٹس کی کمزوری کے ساتھ 23,662.50 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
