جھابوا، 26 مارچ (ہ س)۔ یوتھ کانگریس کے ریاستی صدر آل انڈیا ٹرائبل کانگریس کے چیئرمین اور جھابوا کے رکن اسمبلی ڈاکٹر وکرانت بھوریا کو آل انڈیا کانگریس کمیٹی نے ایک اور اہم ذمہ داری سونپی ہے۔ انہیں احمد آباد میں ہونے والے کانگریس پارٹی کے قومی کنونشن کی پندرہ رکنی ڈرافٹنگ کمیٹی کا رکن بنایا گیا ہے۔ اس سلسلے میں اے آئی سی سی جنرل سکریٹری کے سی وینوگوپال نے ایک حکم جاری کیا ہے۔ پہلے انہیں کانگریس پارٹی نے ریاستی یوتھ کانگریس کا صدر بنایا اور گزشتہ ماہ انہیں آل انڈیا ٹرائبل کانگریس کا چیئرمین بنایا اور اب یہ بڑی ذمہ داری وکرانت بھوریا کو دی گئی ہے۔

اے آئی سی سی کے جنرل سکریٹری کے سی وینوگوپال نے اس سلسلے میں ایک حکم جاری کیا ہے اور ڈاکٹر وکرانت بھوریا کو 15 رکنی ڈرافٹنگ کمیٹی کا رکن بنایا گیا ہے۔ اس کمیٹی میں چھتیس گڑھ کے سابق وزیر اعلیٰ بھوپیش بگھیل، جے رام رمیش، پی ایل پونیا، سچن پائلٹ جیسے قدآور لیڈر شامل ہیں، جب کہ رندیپ سرجے والا اس کمیٹی کے کنوینر ہیں۔

قابل ذکر ہے کہ اے آئی سی سی کا قومی کنونشن 9 اپریل کو احمد آباد میں ہونے والا ہے۔ پارٹی نے اس کنونشن کے حوالے سے مختلف کمیٹیاں بنائی ہیں، ان میں سے ایک ڈرافٹنگ کمیٹی ہے، جس کا ڈاکٹر وکرانت بھوریا کو ممبر بنایا گیا ہے۔ قابل ذکر ہے کہ بھوریا کو یہ دوسری بڑی ذمہ داری دی گئی ہے، جس کے تحت انہیں قبائلی کانگریس کے صدر کا عہدہ دیے جانے کے بعد مذکورہ اہم کمیٹی میں شامل کیا گیا ہے۔ قابل ذکر ہے کہ اس سال 11 فروری کو انہیں آل انڈیا ٹرائبل کانگریس کا چیئرمین بنایا گیا تھا۔

اپنی تقرری پر ڈاکٹر وکرانت بھوریا نے بدھ کو ’’ہندوستھان سماچار‘‘ سے کہا کہ یہ یقیناً ایک بڑی ذمہ داری ہے اور میں اسے پوری ایمانداری کے ساتھ نبھاوں گا۔ میں ان توقعات پر پورا اترنے کی کوشش کروں گا جو ہمارے لیڈر راہل جی، کھڑگے جی وینوگوپال جی رکھے ہوئے ہیں۔

ڈاکٹر وکرانت بھوریا کو احمد آباد اجلاس کی پندرہ رکنی ڈرافٹنگ کمیٹی کا رکن بنائے جانے کے بعد کانگریس کے کیمپ میں خوشی کا ماحول ہے۔ تھاندلا اسمبلی حلقہ کے کانگریس رکن اسمبلی ویر سنگھ بھوریا سمیت پارٹی کے سینئر عہدیداروں نے پارٹی کے مذکورہ فیصلے کا خیرمقدم کیا ہے اور ہائی کمان کا شکریہ ادا کیا ہے اور بھوریا کو نیک خواہشات اور مبارکباد پیش کی ہے۔

ہندوستھان سماچار

---------------

ہندوستان سماچار / انظر حسن