نئی دہلی، 13 مارچ (ہ س)۔

ہندوستان نے ورلڈ پیرا ایتھلیٹکس گرانڈ پریکس 2025 میں اپنا تسلط برقرار رکھا اور بدھ کو دوسرے دن کے اختتام تک 95 تمغوں کے ساتھ میڈل ٹیبل میں ٹاپ پوزیشن پر قبضہ کرلیا۔ ہندوستان نے اب تک 33 طلائی، 29 چاندی اور 33 کانسی کے تمغے جیتے ہیں۔ اس کے بعد نیوٹرل پیرا ایتھلیٹس ٹیم 26 تمغوں کے ساتھ دوسرے نمبر پر ہے (13 گولڈ، 9 سلور، 4 برانز) جبکہ ازبکستان 4 گولڈ، 4 سلور اور 4 برانز میڈلز کے ساتھ تیسرے نمبر پر ہے۔

مقابلے کے آخری دن ہندوستان کے کئی نامور کھلاڑی میڈل کی امیدوں کے ساتھ میدان میں اتریں گے۔ ان میں سپرنٹر پریتی پال کا نام بھی شامل ہے جو پہلے ہی چاندی کا تمغہ جیت چکی ہیں اور اب 200 میٹر ٹی38 ایونٹ میں حصہ لیں گی۔

روی رنگولی شاٹ پٹ ایف41 ایونٹ میں اپنی طاقت دکھائیں گے۔ وہ قومی چمپئن شپ میں مسلسل ٹاپ پر رہے ہیں اور یہاں بھی تمغہ جیتنے کے مضبوط دعویدار ہیں۔

تجربہ کار پیرا ایتھلیٹ اور ارجن ایوارڈ یافتہ انکر دھاما 5000 میٹر T12 ریس میں حصہ لیں گے۔ اس نے کئی پیرالمپکس میں ہندوستان کی نمائندگی کی ہے اور وہ لمبی دوری کی دوڑ میں اپنی مضبوط گرفت کے لیے جانے جاتے ہیں ۔

ایشین پیرا گیمز کے تمغہ جیتنے والے کاشیش لاکرا ڈسکس تھرو F53 ایونٹ میں اپنی صلاحیتوں کا مظاہرہ کریں گے۔ وہ وہیل چیئر تھرو ایونٹس میں ہندوستان کی ابھرتی ہوئی اسٹار ہیں۔ ایشین یوتھ پیرا گیمز میں میڈلسٹ پرنب پرشانت دیسائی 200 میٹر T64 ایونٹ میں دوڑتے نظر آئیں گے۔ ان کی تیز رفتاری اور بہترین تکنیک انہیں ٹریک ایونٹس میں ایک خطرناک دعویدار بناتی ہے۔ بالاجی راجندرن بھی شاٹ پٹ ایف 11 ایونٹ میں شرکت کریں گے۔ اپنی زبردست طاقت اور بہترین تکنیک کی وجہ سے وہ مسلسل قومی اور بین الاقوامی مقابلوں میں تمغے جیت رہے ہیں۔ قومی سطح کے کانسی کا تمغہ جیتنے والے اور تیز رفتاری کے لیے مشہور ابھیشیک بی جادھو 200 میٹر T35 ایونٹ میں دوڑیں گے۔ توقع ہے کہ وہ ہندوستانی دستے کے لیے ایک اور مضبوط کارکردگی پیش کریں گے۔

ہندوستانی کھلاڑیوں کے مضبوط داو¿ اور وینیسا لو جیسے تجربہ کار ایتھلیٹس کی موجودگی کے ساتھ، گرانڈ پری کا آخری دن کھیلوں کی عمدگی، جذبے اور نئے ریکارڈز کی ایک روشن مثال قائم کرنے کے لیے تیار ہے۔

ہندوستھان سماچار

ہندوستان سماچار / عطاءاللہ