نئی دہلی، 12 مارچ (ہ س)۔ دہلی-این سی آر میں ہولی سے پہلے ہی گرمی نے اپنا اثر دکھانا شروع کر دیا ہے۔ بدھ کو زیادہ سے زیادہ درجہ حرارت 33.5 ڈگری سیلسیس ریکارڈ کیا گیا، جو معمول سے تین ڈگری سیلسیس زیادہ ہے، جب کہ کم سے کم درجہ حرارت 17.2 ڈگری سیلسیس، معمول سے 2.1 ڈگری سیلسیس کم ریکارڈ کیا گیا۔

دہلی میں منگل کو سیزن کا گرم ترین دن ریکارڈ کیا گیا۔ اس دن زیادہ سے زیادہ درجہ حرارت 34.8 ڈگری سیلسیس ریکارڈ کیا گیا جو معمول سے 6.4 ڈگری زیادہ تھا۔ تاہم رات کے وقت بھی ہلکی سردی محسوس کی جا رہی ہے۔ منگل کو کم سے کم درجہ حرارت 15.7 ڈگری سیلسیس ریکارڈ کیا گیا۔

محکمہ موسمیات کے مطابق جمعرات سے دارالحکومت میں ویسٹرن ڈسٹربنس کا اثر دیکھا جا سکتا ہے۔ جمعرات کو آسمان جزوی طور پر ابر آلود رہے گا اور دوپہر کے وقت 20 سے 30 کلومیٹر فی گھنٹہ کی رفتار سے ہوائیں چلیں گی۔ جمعرات سے ہفتہ تک گرج چمک کے ساتھ ہلکی بارش متوقع ہے۔ اس دوران زیادہ سے زیادہ درجہ حرارت 34 سے 31 ڈگری کے درمیان رہ سکتا ہے۔ بارش کے بعد دہلی میں درجہ حرارت میں کمی کا امکان ہے۔ تاہم دہلی میں ہوا کے معیار کا انڈیکس خراب زمرے میں پہنچ گیا ہے۔

---------------

ہندوستان سماچار / عبدالسلام صدیقی