نئی دہلی، 11 مارچ (ہ س)۔ گھریلو شیئر بازار آج شروعاتی کاروبار کے دوران دباو میں نظر آرہا ہے۔ آج کے کاروبار کی شروعات گراوٹ کے ساتھ ہوئی تھی۔ بازار کھلنے کے بعد سینسیکس اور نفٹی دونوں انڈیکس کی کمزوری میں قدرے اضافہ ہوا، لیکن اس کے بعد خریداروں نے خریداری شروع کر دی۔ اس کی وجہ سے شیئر بازار نچلی سطح سے ریکور کرتا ہوا نظر آیا۔ کاروبار کے پہلے گھنٹے کے بعد سینسیکس 0.29 فیصد اور نفٹی 0.17 فیصد کی کمزوری کے ساتھ کاروبار کر رہے تھے۔
کاروبار کے پہلے گھنٹے کے بعد شیئر مارکیٹ کے بڑے شیئروں میں سن فارماسیوٹیکل، آئی سی آئی سی آئی بینک، بی پی سی ایل، اڈانی انٹرپرائزز اور برٹانیہ کے شیئر 2.25 فیصد سے لیکر 0.85 فیصد کے اضافے کے ساتھ کاروبار کر رہے تھے۔ دوسری طرف انڈس انڈ بینک، انفوسس، وپرو، مہندرا اینڈ مہندرا اور بجاج فنسرو کے شیئر 20.01 فیصد سے لیکر 2.06 فیصد کی گراوٹ کے ساتھ کاروبار کرتے ہوئے نظر آرہے تھے۔
موجودہ کاروبار میں شیئر مارکیٹ میں 2,467 شیئروں میں ایکٹو ٹریڈنگ ہورہی تھی۔ ان میں سے 565 شیئر منافع کماکر سبز نشان میں جبکہ 1,902 شیئر خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 9 شیئر خرید کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 21 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 21 شیئر سبز نشان میں اور 29 شیئر سرخ نشان میں کاروبار کرتے نظر آرہے تھے۔
بی ایس ای کا سینسیکس آج 371.29 پوائنٹس گر کر 73,743.88 پوائنٹس پر کھلا۔ کاروبار شروع ہوتے ہی یہ انڈیکس 73,663.60 تک گر گیا۔ اس گراوٹ کے بعد خریداری کی حمایت ملنے کے بعد اس انڈیکس کی حرکت میں مسلسل بہتری آنے لگی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10.15 بجے سینسیکس 216.79 پوائنٹس کی کمزوری کے ساتھ 73,898.38 پوائنٹس کی سطح پر کاروبار کر رہا تھا۔
سینسیکس کی طرح این ایس ای کا نفٹی آج 114.35 پوائنٹس پھسل کر 22,345.95 پوائنٹس پر تجارت شروع کی۔ مارکیٹ کھلتے ہی یہ انڈیکس فروخت کے دباو کی وجہ سے 22,314.70 پوائنٹس تک گر گیا۔ اس گراوٹ کے بعد خریداروں نے خریداری شروع کردی جس کی وجہ سے اس انڈیکس کی پوزیشن بھی بہتر ہونے لگی۔ مارکیٹ میں لگاتار خرید و فروخت کے درمیان ابتدائی 1 گھنٹے کی تجارت کے بعد صبح 10.15 بجے نفٹی 38.55 پوائنٹس کی کمزوری کے ساتھ 22,421.75 پوائنٹس کی سطح پر کاروبار کر رہا تھا۔
ہندوستھان سماچار
ہندوستان سماچار / انظر حسن
