نئی دہلی ، 05 فروری (ہ س)۔

کانگریس نے بدھ کو کہا کہ غزہ پر امریکی صدر ڈونلڈ ٹرمپ کے خیالات خطرناک اور ناقابل قبول ہیں۔ بھارتی حکومت کو اس معاملے پر اپنی پوزیشن واضح کرنی چاہیے۔کانگریس کے جنرل سکریٹری (مواصلات) جے رام رمیش نے آج شام یہاں سوشل میڈیا پر ایک پوسٹ میں کہا ، ’ غزہ کے مستقبل کے بارے میں صدر ٹرمپ کے خیالات عجیب، خطرناک اور ہر لحاظ سے ناقابل قبول ہیں۔‘

جے رام رمیش نے مزید کہا کہ مغربی ایشیا میں پائیدار امن کی واحد بنیاد دریاستی حل ہے۔ یہ فلسطینی عوام کی آزادی اور وقار کے ساتھ زندگی گزارنے کی مکمل طور پر جائز خواہشات پر پورا اترتا ہے جبکہ اسرائیل کی سلامتی کو بھی یقینی بناتا ہے۔ انہوں نے کہا کہ مودی حکومت کو امریکی صدر کے اس نقطہ نظر پر اپنا ردعمل بالکل واضح کرنا چاہئے۔ دوسرے ممالک کی حکومتیں پہلے ہی ایسا کر چکی ہیں۔

قابل ذکر ہے کہ امریکی صدر ڈونلڈ ٹرمپ نے منگل کو وہائٹ ہاو¿س میں اسرائیلی وزیر اعظم بنجامن نیتن یاہو سے بات چیت کے بعد صحافیوں کو بتایا کہ امریکا غزہ کی پٹی پر اپنا کنٹرول برقرار رکھے گا۔ اس سے قبل انہوں نے کہا تھا کہ غزہ میں فلسطینیوں کا کوئی مستقبل نہیں ہے اور انہیں کہیں اور منتقل ہو جانا چاہیے۔ غزہ کے لیے مستقبل کے منصوبوں کی وضاحت کرتے ہوئے امریکی صدر نے کہا کہ ہم غزہ میں ایسی اقتصادی ترقی کریں گے جس سے لامحدود تعداد میں ملازمتیں اور مکانات دستیاب ہوں گے۔

ہندوستھان سماچار

ہندوستان سماچار / Mohammad Khan