نئی دہلی، 29 دسمبر (ہ س): وزیر اعظم نریندر مودی نے ایف آئی ڈی ای ورلڈ ریپڈ شطرنج چیمپئن شپ 2025 میں شاندار کارکردگی دکھانے پر ہندوستانی گرینڈ ماسٹرز ارجن ایریگیسی اور کونیرو ہمپی کو مبارکباد دی ہے۔ ارجن ایریگیسی نے اوپن کیٹیگری میں کانسہ کا تمغہ جیتا، جب کہ کونیرو ہمپی نے خواتین کے زمرے میں کانسہ کا تمغہ جیتا۔

وزیر اعظم مودی نے پیر کو ایکس پوسٹ میں کونیرو ہمپی کو مبارکباد دیتے ہوئے کہا کہ اس نے زبردست کارکردگی کا مظاہرہ کیا اور خواتین کے زمرے میں کانسہ کا تمغہ جیتا ہے۔ وزیراعظم نے کہا کہ شطرنج کے تئیں ان کی لگن قابل ستائش ہے اور مستقبل کی کوششوں میں ان کے لیے نیک خواہشات کا اظہار کیا۔

وزیر اعظم نے ارجن ایریگیسی کی بھی تعریف کرتے ہوئے کہا کہ اوپن زمرے میں کانسہ کا تمغہ جیتنا فخر کی بات ہے۔ انہوں نے ارجن کے جذبے اور عزم کی تعریف کی اور ان کے روشن مستقبل کی خواہش کی۔

وزیر اعظم نے کہا کہ ان کامیابیوں سے ہندوستانی شطرنج کو بین الاقوامی سطح پر ایک نئی شناخت ملی ہے اور نوجوان کھلاڑیوں کو حوصلہ ملے گا۔

---------------

ہندوستان سماچار / عبدالسلام صدیقی