نئی دہلی، 27 دسمبر (ہ س)۔

سنٹرل بیورو آف انویسٹی گیشن (سی بی آئی) نے اناو¿ عصمت دری کیس میں سابق ایم ایل اے کلدیپ سنگھ سینگر کو سنائی گئی ٹرائل کورٹ کی عمر قید کی سزا پر روک لگانے کے دہلی ہائی کورٹ کے حکم کو سپریم کورٹ میں چیلنج کیا ہے۔

23 دسمبر کو دہلی ہائی کورٹ نے سابق ایم ایل اے کو ان کی سزا پر روک لگاتے ہوئے ضمانت دے دی۔ جسٹس سبرامنیم پرساد کی سربراہی میں بنچ نے سزا کو معطل رکھنے کا حکم دیا جب کہ ٹرائل کورٹ کے حکم کو چیلنج کرنے والی درخواست زیر التوا تھی۔ ہائی کورٹ نے کلدیپ سنگھ سینگر کو ضمانت کی مدت کے دوران دہلی اور متاثرہ کی رہائش گاہ سے پانچ کلومیٹر دور رہنے کا حکم دیا۔

16 دسمبر 2019 کو، تیس ہزاری عدالت نے کلدیپ سنگھ سینگر کو عصمت دری متاثرہ کے والد کے حراستی قتل میں 10 سال قید کی سزا سنائی۔ سابق ایم ایل اے پر 10 لاکھ روپے کا جرمانہ بھی عائد کیا گیا۔ تیس ہزاری عدالت نے کلدیپ سنگھ سینگر سمیت ساتوں ملزمان کو 10 سال قید اور 10 لاکھ روپے جرمانے کی سزا سنائی۔

عصمت دری متاثرہ کے والد کی 9 اپریل 2018 کو عدالتی حراست میں موت ہوگئی۔4 جون 2017 کو ریپ متاثرہ نے کلدیپ سینگر پر عصمت دری کا الزام لگانے کے بعد کلدیپ سنگھ سینگر کے بھائی اتل سنگھ اور اس کے ساتھیوں نے متاثرہ کے والد کو بری طرح مارا پیٹا اور اسے پولیس کے حوالے کردیا۔ جیل منتقل کیے جانے کے چند گھنٹوں بعد ضلع اسپتال میں اس کی موت ہوگئی۔

20 دسمبر 2019 کو، تیس ہزاری عدالت نے بی جے پی کے سابق ایم ایل اے سینگر کو متاثرہ کی عصمت دری کے الزام میں عمر قید کی سزا سنائی۔ عمر قید کی سزا کے علاوہ، عدالت نے 25 لاکھ روپے کا جرمانہ عائد کرتے ہوئے حکم دیا کہ اس جرمانے میں سے 10 لاکھ روپے متاثرہ کو ادا کیے جائیں۔ کلدیپ سنگھ سینگر نے تیس ہزاری کورٹ کے اس فیصلے کو چیلنج کرتے ہوئے دہلی ہائی کورٹ میں ایک عرضی بھی دائر کی ہے۔

ہندوستھان سماچار

ہندوستان سماچار / عطاءاللہ