جموں, 26 دسمبر (ہ س)۔

منشیات کی اسمگلنگ کے خلاف بڑی کارروائی کے دوران پولیس اسٹیشن گول نے این ڈی پی ایس ایکٹ کی دفعہ 68-ایف کے تحت تحصیل گول، ضلع رامبن کے رہائشی منشیات فروش محمد سلیم شان ولد عبدالرشید شان کے مکان کو ضبط کر لیا ہے۔سینئر سپرنٹنڈنٹ آف پولیس رامبن ارون گپتا کے مطابق مذکورہ ملزم پولیس اسٹیشن گول میں درج این ڈی پی ایس ایکٹ کے پانچ مختلف مقدمات میں ملوث پایا گیا ہے۔ تحقیقات کے دوران یہ بات سامنے آئی کہ ضبط کی گئی جائیداد منشیات کی اسمگلنگ سے حاصل ہونے والی غیر قانونی آمدنی سے تعمیر کی گئی تھی۔

انہوں نے کہا کہ یہ کارروائی ضلع رامبن میں منشیات کے خلاف جاری پولیس کے مسلسل کریک ڈاؤن کا حصہ ہے، جس کا مقصد منشیات فروشوں کے مالیاتی نیٹ ورک کو توڑنا اور نوجوانوں کو منشیات جیسے سنگین جرائم سے دور رکھنا ہے۔ پولیس نے واضح کیا کہ مستقبل میں بھی منشیات کے خلاف کارروائیاں پوری سختی کے ساتھ جاری رہیں گی۔

ہندوستھان سماچار

---------------

ہندوستان سماچار / محمد اصغر