نئی دہلی، 26 دسمبر (ہ س)۔

سکھوں کے مقدس شہیدی ماہ کے تحت جمعہ کو بی جے پی کے قومی ایگزیکٹو صدر نتن نبین نے نئی دہلی میں بنگلہ صاحب گرودوارہ میں حاضری لگائی۔

گرو گوبند سنگھ کے چار بیٹوں، ماتا گجری دیوی، گرو تیغ بہادر، بھائی متی داس، بھائی ستی داس، اور دیالا جی کی قربانیوں کو یاد کرتے ہوئے، انہوں نے جمعہ کو بنگلہ صاحب گرودوارہ میں متھا ٹیک کر دعا کی۔

اس دورے کے دوران بی جے پی دہلی کے ریاستی صدر وریندر سچدیوا، دہلی حکومت کے وزیر منجندر سنگھ سرسا اور بی جے پی کے نیشنل میڈیا کوآرڈینیٹر سنجے میوکھ نے بھی بنگلہ صاحب گرودوارہ کا دورہ کیا اور دعاو¿ں میں شرکت کی۔

اس موقع پر وریندر سچدیوا نے کہا کہ قوم، مذہب اور سناتن ثقافت کے تحفظ کے لیے گرو گوبند سنگھ مہاراج کے چار صاحبزادوں اجیت سنگھ، جوجھار سنگھ، زوراور سنگھ اور فتح سنگھ نے عظیم قربانی دی، آج ان کی شہادت کو خراج عقیدت پیش کرنے کا دن ہے۔

وزیر اعظم مودی نے ان کی یاد میں 26 دسمبر کو ویر بال دیوس کے طور پر منانے کا اعلان کیا ہے، یہ ایک بڑا قدم ہے، اس سے آنے والی نسلوں کو ان صاحبزادوں کی بہادری کی داستان کو یاد کرنے کا موقع ملتا ہے۔

ہندوستھان سماچار

ہندوستان سماچار / عطاءاللہ