سانگلی کے خاناپور تعلقہ میں پٹاخہ بنانے والی فیکٹری میں دھماکہ ، دو افراد بری طرح جھلس گئے

سانگلی ، 22 دسمبر(ہ س)۔

سانگلی ضلع کے خاناپور تعلقہ کے بھالوانی گاؤں میں

واقع آتش بازی بنانے والی فیکٹری میں پیر کے روز ایک خوفناک دھماکہ پیش آیا، جس کے

نتیجے میں دو افراد شدید زخمی ہو گئے۔

زخمیوں

کی شناخت آفتاب منصور ملا (30) اور عامر عمر ملانی (40) کے طور پر کی گئی ہے، جو فیکٹری

کے مالکان ہیں۔ پولیس کے مطابق دونوں فیکٹری میں کام میں مصروف تھے کہ اچانک ذخیرہ

کرنے والے ٹینک میں زوردار دھماکہ ہو گیا۔ عینی

شاہدین کے مطابق دھماکہ اتنا طاقتور تھا کہ فیکٹری کی دھاتی شیڈ اڑ کر 300 سے 400

فٹ دور جا پہنچی، جبکہ دھماکے کی آواز چار سے پانچ کلومیٹر کے فاصلے تک سنائی دی۔

اس حادثے کے باعث آس پاس کے گھروں اور گاڑیوں کے شیشوں کو بھی نقصان پہنچا۔

دونوں

شدید زخمی افراد کو فوری طور پر سانگلی کے سول اسپتال منتقل کیا گیا، جہاں ڈاکٹروں

کے مطابق ان کی حالت تشویشناک بنی ہوئی ہے۔ حادثے کی

اطلاع ملتے ہی ویٹا فائر بریگیڈ اور پولیس کی ٹیمیں موقع پر پہنچ گئیں اور صورتحال

کو قابو میں لیا۔ پولیس نے واقعے کی تحقیقات شروع کر دی ہیں اور دھماکے کی وجہ

جاننے کے لیے مختلف پہلوؤں سے جانچ کی جا رہی ہے۔

ہندوستھان

سماچار

ہندوستان سماچار / جاوید این اے